Advertisement

ကိုယ်သုံးတဲ့ Skin care က ကိုယ်နဲ့ ကိုက်ညီရဲ့လားဆိုတာ သိနိုင်မယ့် အချက်(၅) ချက်ရှိတာမို့ အခုပဲ တိုက်ကြည့်လိုက်တော့နော်။ 

သုံးတော့ သုံးနေတာပဲ တည့်လား မတည့်ဘူးလား၊ ဆက်သုံးရမှာလား မသုံးရဘူးလား ဝေခွဲမရ ဖြစ်ရတဲ့ အချိန်တွေ ဖြစ်တတ်တယ်နော်။ ကိုယ်သုံးနေတဲ့ ပစ္စည်းတွေက ကိုယ့်အသားအရေနဲ့ တကယ်ကိုက်ညီလားဆိုတာမျိုး သိထားရမှာပါ။ ကိုယ်သုံးတဲ့ ပစ္စည်းတွေက ကိုယ်နဲ့ ကိုက်ညီလား၊ မှားနေတလားဆိုတာ အလွယ်တကူ သိနိုင်မယ့် အချက် (၅) ချက်ရှိပါတယ်။ ဒီထဲက ကိုယ်နဲ့ ဘယ်အချက်က ကိုက်ညီနေမလဲဆိုတာ ဖတ်ကြည့်ရအောင်။

(photo: allure)

မျက်နှာယားယံတာ

ကိုယ်သုံးတဲ့ Skin care က ကိုယ်နဲ့ မကိုက်ညီဘူးဆိုရင် မျက်နှာမှာ နီရဲလာတာ၊ ယားယံလာတာမျိုး ဖြစ်တတ်ပါတယ်။ အဲဒီလို ဖြစ်တာကလည်း Skin care လိမ်းနေချိန်မှာ မဖြစ်ဘဲ လိမ်းပြီးနည်းနည်းကြာမှ ဖြစ်တာမျိုး ဖြစ်တတ်တယ်နော်။ ဒီတော့ အသစ်တစ်ခု သုံးပြီဆိုရင် သတိလေးနဲ့ စောင့်ကြည့်ဖို့ လိုပါတယ်။

အဆီဖုလေးလိုမျိုး အစိလေးတွေ ထွက်လာတာ

Skin care သုံးပြီး ရက်နည်းနည်း ကြာတဲ့အခါ မျက်နှာမှာ အဆီဖုလေးတွေ ဖြစ်လာတာ၊ အဆီဖုမဟုတ်၊ ဝက်ခြံမဟုတ်ဘဲ အဖုသေးသေးလေးတွေ ဗြုတ်စိလေးတွေ ထွက်လာတာမျိုး ဖြစ်တတ်တယ်နော်။ အဲဒီလိုလေးတွေ အများစုက နဖူးနားတဝိုက်မှာ ဖြစ်တတ်ပါတယ်။ ဒါဆိုရင် ကိုယ်သုံးတဲ့ Skin care ကို နည်းနည်း ပြန်စစ်ကြည့်သင့်ပါပြီနော်။

အဆီပြန်တာ ဒါမှမဟုတ် ခြောက်သွေ့လွန်းတာ

Skin care သုံးပြီးမှ အရင်ကထက် ပိုပြီးတော့ အဆီပြန်လွန်းတာ ဒါမှမဟုတ် ခြောက်သွေ့လွန်းတာတွေ ဖြစ်လာသလားလည်း စောင့်ကြည့်ရမှာပါ။ အဲဒီလိုမျိုး ပြဿနာတွေ ဖြစ်နေပြီဆိုရင်တော့ ဆက်ပြီးမသုံးတာ အကောင်းဆုံးပါ။ အဲဒီလို ဖြစ်လာတာက ဝက်ခြံထွက်တာ၊ ခြောက်သွေ့ပြီး မျက်နှာအသားအရေ ကြမ်းလာတာမျိုး ဖြစ်စေနိုင်တယ်နော်။

ဝက်ခြံထွက်လာတာ

ဒါကတော့ မတည့်ဘူးဆိုတာ အသိသာဆုံး နည်းလမ်းတစ်ခုပါ။ Break out ချက်ချင်း ဖြစ်လာတာမျိုးပေ့ါ။ ဝက်ခြံတွေ တန်းပြီး ထွက်လာတာမျိုးဆိုရင် သုံးတာက ပြန်စဉ်းစားသင့်ပါပြီ။ အဲဒီဝက်ခြံကိုလည်း ညှစ်ပစ်တာ၊ ဆေးတွေလိမ်းလိုက်တာမျိုး မလုပ်ပါနဲ့။ Skin care သေချာပြန်သုံးဖို့သာ ကြိုးစားပါ။ မတည့်တာကိုတော့ လုံးဝဆက်မသုံးသင့်ဘူးနော်။

ဘာမှ မထူးခြားလာတာ

Skin care သုံးတယ်ဆိုတာ ကိုယ့်မျက်နှာအသားအရေ ပိုပြီးကောင်းအောင်လို့မလား။ အဲဒီလို မဟုတ်ဘဲ ဘာမှမထူးခြားလာဘူးဆိုရင်တော့ ဒီပစ္စည်းနဲ့ ကိုယ်နဲ့ ကိုက်သလားဆိုတာ စဉ်းစားရမှာပါ။ အကျိုးအာနိသင်က ချက်ချင်းကြီး မပြတတ်ပေမယ့် တဝက်လောက် သုံးပြီးတဲ့အထိ ကောင်းလာတယ်လို့ မခံစားရဘူးဆိုရင် ပြောင်းသုံးတာမျိုး လုပ်သင့်တယ်နော်။

 

Comments

0 comments