လက်မပါနဲ့
ဒါက ဘာလို့ ပထမဆုံးလဲဆိုရင် အရေးကြီးဆုံးမို့လို့ပါ။ ဘယ်လိုပဲဖြစ်ဖြစ် မိန်းကလေးဆိုတာ အားနွဲ့သူပါ။ ကိုယ့်ချစ်သူနဲ့ ပြသာနာကို လက်နဲ့ဖြေရှင်းတာကတော့ သူရဲဘောကြောင်ပြီး အောက်တန်းကျတာပါပဲ။ ဖြစ်နေတဲ့အခြေအတင်က Negative အဆုံးထိရောက်သွားနိုင်ပါတယ်။
မအော်ပါနဲ့
မိန်းကလေးတွေကသူတို့ကို အော်တာ လုံးဝမကြိုက်ပါဘူး။ ဘာလို့လဲဆိုရင် သူတို့ရှက်တယ် ၊ ၀မ်းနည်းတယ် ၊ ၀မ်းနည်းတာကပိုပါတယ်။ သာမန်ပြသာနာလောက်နဲ့တော့ ကိုယ့်ချစ်သူကို မအော်လိုက်ပါနဲ့။ တိတ်ဆိတ်စွာပါးစပ်ပိတ်ပြီးနေပေးလိုက်ပါ သူတို့ပြောချင်ရာတွေပြောပါစေ။ ဘာမှပြန်မပြောနဲ့။ သူတို့ပြောတာမောလာရင်ရပ်သွားပါလိမ့်မယ်။ အဲ့အခါမှ ကိုယ်ကသေချာအေးဆေးစွာ နားဝင်အောင်ပြောပြပါ။ တကယ်ချစ်တဲ့မိန်းကလေးတွေကတော့ ဘယ်လိုပဲပြသာနာတက်တက် ခဏလောက်ပြသာနာရှာပြီးရင်ပုံမှန်ပြန်ဖြစ်သွားပါတယ်။
အပြင်မှာဖြစ်ဖြစ် ၊ ဖုန်းထဲမှာဖြစ်ဖြစ် ခဏလောက်ရှောင်လိုက်ပါ
တချို့ပြသာနာတွေကအရမ်းကြီးပါတယ်။ ဒါကြောင့်မို့ ခဏရှောင်တာကောင်းပါတယ်။ တစ်ဖက်က ဒေါသတွေအရမ်းကြီးနေတဲ့အချိန်မှာ ရင်မဆိုင်ပဲ သူသွေးအေးသွားလောက်တော့မှ သေချာပြန်ဆွေးနွေးပါ။
နှစ်ယောက်လုံးနဲ့အရမ်းခင်တဲ့သူငယ်ချင်းကိုလှမ်းခေါ်ပါ
စစ်ကူသဘောမျိုးပေါ့။ ကြားထဲကဖျန်ဖြေပေးပြီး ငြိမ်းချမ်းရေးစာချုပ် ချုပ်နိုင်အောင် သူငယ်ချင်းကစွမ်းဆောင်ပေးမှာပါ။ မဟုတ်လဲ သူနားငြီးဘယ်ခံမလဲ။ ၂ယောက်အဆင်ပြေအောင်ပဲလုပ်မှာပေါ့။
ဒါတွေကတော့ ချစ်သူနဲ့အခြေအတင်ဖြစ်တဲ့အခါ အဆင်ပြေစေမဲ့ ဖြေရှင်းနည်းလေးတွေပဲဖြစ်ပါတယ်။ ကိုယ်တိုင်ကြုံတွေ့လာတာမို့ တကယ်အသုံးဝင်လို့ Sharing လုပ်ပေးလိုက်တာပါ။ စုံတွဲတိုင်း ကတောက်ကဆ အဖြစ်နည်းပြီး အချစ်မြဲကြပါစေလို့ ဆုတောင်းပေးလိုက်ပါတယ်။
Comments