ချစ်သူကောင်မလေးကို စေ့စပ်ခွင့်တောင်းတော့မယ်ဆိုရင်

by: Phyo Pyae Thu
 0 comments  0 love

စေ့စပ်ခွင့်တောင်းမယ်ဆိုရင် Marry က ပြောပြထားတဲ့ အချက်(၄) ချက်ကို ပြင်ဆင်ထားနော်။ ဒါဆိုရင် ပျော်ရွှင်သာယာကြည်နူးတဲ့ စေ့စပ်ခွင့်တောင်းတဲ့နေ့ရက်လေး ဖြစ်မှာပါ။ 

ကိုယ်ချစ်တဲ့သူကို စေ့စပ်ခွင့်တောင်းတော့မှာလား၊ ကောင်လေးတွေနဲ့အနေနဲ့ စေ့စပ်ခွင့်တောင်းတော့မယ်ဆိုရင် သိထားရမယ့်အချက်လေးတွေ ရှိပါတယ်နော်။ စေ့စပ်ခွင့်တောင်းတယ်ဆိုတာ နှစ်ကိုယ်တူ အတူတူနေဖို့ ခြေလှမ်းအစပါပဲနော်။ ဒီလို အရေးကြီးတဲ့ နေ့ရက်လေးအတွက် ဘာတွေ ကြိုတင်ပြင်ဆင်ရမလဲဆိုတာ ဖော်ပြလိုက်ပါတယ်နော်။

စေ့စပ်ခွင့်တောင်းတော့မယ်ဆိုရင်

လက်စွပ်

စေ့စပ်လက်စွပ်ဆိုကတော့ ဒီလိုအချိန်အခါမှာ အရမ်းကို အရေးကြီးတဲ့ အချက်တစ်ချက်ပဲမလားနော်။ စေ့စပ်လက်စွပ်ကို သေချာလေး ပြင်ဆင်သွားရမှာပါ။ စေ့စပ်လက်စွပ်ကတော့ စိန်တစ်လုံးတည်း ပါတဲ့ လက်စွပ်လေနော်။ ယောက်ျားလေးတို့အနေနဲ့ အရင်ဆုံးတော့ လက်ရဲ့ အရွယ်အစားကို သေချာသိဖို့ လိုပါတယ်။ ကောင်မလေး သဘောကျလောက်မယ့် လက်စွပ်မျိုးကို သေချာရွေးချယ်ပါနော်။

နေရာ (photo:TripAdvisor)

နေရာ

နေရာကတော့ ကိုယ်က ဘယ်လိုပုံစံကြိုက်လဲဆိုတဲ့ပေါ်မှာ မူတည်ပါတယ်နော်။ တချို့ကတော့ နှစ်ယောက်တည်းလေး သီးသန့် Surprise လုပ်ကြပါတယ်။ တချို့ကတော့ သူငယ်ချင်းတွေကို အသိပေးထားပြီး အားလုံးရှေ့မှာ စေ့စပ်ခွင့်တောင်းတယ်ပေါ့။ ဒါကတော့ ကိုယ်ကြိုက်တဲ့ ပုံစံနဲ့ Budget ပေါ်မှာ မူတည်ပါတယ်။ အဓိကကတော့ ကောင်မလေးဆီက “yes” ဖြစ်ဖို့ လိုပြီး သူ့ဆီက ချစ်ခြင်းမေတ္တာကို ရဖို့ပဲလေနော်။

လက်စွပ် (photo:Michael Hill)

အချိန်

စေ့စပ်ခွင့်တောင်းတဲ့အချိန်ကိုလည်း စဉ်းစားရမယ်နော်။ ကောင်မလေး စိတ်ကြည်နေတဲ့အချိန်မှ ပျော်စရာကောင်းမှာလေ။ ဒီတော့ ကိုယ့်ချစ်သူကောင်မလေးက စိတ်ရှုပ်နေလား၊အလုပ်နဲ့ပက်သက်တဲ့ ဖိစီးမှုတွေ ရှိနေလားဆိုတာ မသိမသာလေး မေးမြန်းလေ့လာပါ။ တချိန်ချိန် စေ့စပ်ခွင့်အကြောင်း ပြန်တွေးတဲ့အခါမှာ ပျော်စရာတွေကိုပဲ ခံစားမိနေဖို့ လိုပါတယ်။ အဲဒီလို မဟုတ်ရင် စေ့စပ်ခွင့်အကြောင်းတွေးတိုင်း အဲဒီတုန်းက စိတ်ဖိစီးမှုကိုပါ ပြန်အမှတ်ရနေတာမျိုး ဖြစ်နေမှာစိုးလို့ပါ။

ကြိုတင်စီစဉ်ပါ

စေ့စပ်ခွင့်တောင်းတယ်ဆိုတာကလည်း ကြိုတင်အစီအစဉ် ဆွဲထားဖို့ လိုပါတယ်။ ကြိုတင်စီစဉ်ထားမှသာ အကုန်လုံးက အဆင်ပြေမှာလေနော်။ နေရာမှာဆိုရင်လည်း Decoration လေး လုပ်မလား၊ လုပ်မယ်ဆိုရင်လည်း ကောင်မလေး မသိအောင် ဘယ်လိုပုံစံလေး လုပ်မလဲဆိုတာမျိုး ကြိုတင်စီစဉ်ပါ။ စားစရာလေးတွေလည်း ကြိုတင်ပြင်ဆင်ထားပါနော်။

စေ့စပ်ခွင့်တောင်းမယ်ဆိုရင်တော့ Marry က ပြောပြထားတဲ့ အချက်(၄) ချက်ကို ပြင်ဆင်ထားနော်။ ဒါဆိုရင် ပျော်ရွှင်သာယာကြည်နူးတဲ့ စေ့စပ်ခွင့်တောင်းတဲ့နေ့ရက်လေး ဖြစ်မှာပါ။ 

 

From Marry with


Comments

0 comments
Latest video
Refer to more useful articles