မဂၤလာပြဲမွာ သဇင္ပန္းပန္ခ်င္တဲ့ သတို႔သမီးေလးတုိ႔ ၾကိဳလုပ္ရမွာေတြ

by: Phyo Pyae Thu
 0 comments  0 love

သတို႔သမီးေလးတို႔အတြက္ သဇင္ပန္းက ကုန္က်စရိတ္မ်ားတဲ့ ပန္းတစ္မ်ိဳး ျဖစ္တာေၾကာင့္ ကိုယ္ဘယ္ေလာက္ ကုန္က်ခံႏိုင္မလဲဆိုတာ မူတည္ပါတယ္။

မဂၤလာေဆာင္မယ့္ စံုတြဲေလးတုိ႔ေရ ကိုယ့္ရဲ႕ မဂၤလာပြဲေလးကို ဘယ္လိုပန္းေလးေတြနဲ႔ အလွဆင္မယ္ စိတ္ကူးထားလဲ ၊ သတို႔သမီးေလး ပန္ဆင္မယ့္ ပန္းကေရာ ဘယ္လိုပန္းပန္မယ္ စိတ္ကူးထားလဲ။ တခ်ိဳ႕သတို႔သမီးေလးေတြကေတာ့ မဂၤလာပြဲအတြက္ သဇင္ပန္းကို ေရြးခ်ယ္ေလ့ ရွိၾကပါတယ္။ သဇင္ပန္း မရမွာစိုးတယ္ဆိုရင္ ဘာေတြႀကိဳတင္လုပ္ရမလဲ။

Photo : Wunna Khwar Nee (Focus Daily)

သဇင္ပန္း ပန္မယ့္အခ်ိန္

သဇင္ပန္းက ရာသီအလိုက္ ပြင့္တာမလုိ႔ ကိုယ္မဂၤလာေဆာင္မယ့္ အခ်ိန္က သဇင္ပန္း ေပါသလား ရွားသလား သိဖို႔ လိုပါတယ္။ ရွားေနတဲ့အခ်ိန္ဆိုရင္ ေဈးႏႈန္းမ်ားသလို ရွာရလည္း ခက္ပါတယ္။ ေခါင္ခက္ေကာင္းေကာင္း မရတာ၊ လိုခ်င္္တဲ့ရက္ မရတာမ်ိဳးေပါ့။ ဒါေၾကာင့္ ကိုယ္ပန္မယ့္ ရက္ အတိအက် သိၿပီးတာနဲ႔ ႀကိဳရွာပါ။

သဇင္ျခံ

သဇင္ျခံေတြကို ႀကိဳခ်ိတ္ထားဖို႔ လုိပါတယ္ေနာ္။ ကိုယ္လိုခ်င္တဲ့ သဇင္ပန္းခက္ရဲ႕ အရြယ္အစားကအစ ေသခ်ာသိထားဖို႔ လုိပါတယ္။ ေနာက္တစ္ခုကေတာ့ ေရာက္မယ့္အခ်ိန္နဲ႔ သဇင္ျခံရဲ႕ ဝန္ေဆာင္မႈကအစ သိေနဖို႔ လိုပါတယ္။ အဲဒီလို မဟုတ္ရင္ ပြဲေန႔ ေရာက္မွ စိတ္ညစ္ေနရတတ္ပါတယ္။

Photo : My Dream

ကုန္က်စရိတ္

သဇင္ပန္းအတြက္ ကုန္က်စရိတ္ကို ႀကိဳတင္ၿပီး တြက္ဆထားဖို႔ လိုပါတယ္။ သဇင္ပန္းက ကုန္က်စရိတ္မ်ားတဲ့ ပန္းတစ္မ်ိဳး ျဖစ္တာေၾကာင့္ ကိုယ္ဘယ္ေလာက္ ကုန္က်ခံႏိုင္မလဲဆိုတာ မူတည္ပါတယ္။ သဇင္က ရွားတဲ့အခ်ိန္မွာဆိုရင္ တခက္ကို (၁) ေသာင္းေက်ာ္ ရွိတာမို႔ အနည္းဆံုးေတာ့ အခက္ (၂၀) ေလာက္မွ အဆင္ေျပႏိုင္မွာမို႔ ကုန္က်စရိတ္ကို ႀကိဳတြက္ပါ။

သဇင္ပန္း မရမွာစိုးရိမ္ရင္

ကိုယ့္ရဲ႕ ပြဲမွာ သဇင္ပန္း မရမွာ စိုးရိမ္တယ္ဆိုရင္ေတာ့ ႀကိဳခ်ိတ္ဖုိ႔ လုိသလို ေနာက္ထပ္နည္းလမ္းတစ္ခုကေတာ့ အတုနဲ႔ ေရာၿပီး ပန္ဆင္တာပါ။ ဒါကေတာ့ ကိုယ္ေရြးခ်ယ္ထားတဲ့ ဆံထံုးေပၚမွာ မူတည္သလုိ ဆံထံုးထံုးေပးမယ့္သူအေပၚမွာလည္း မူတည္ပါတယ္။ဆံထံုးထံုးေပးမယ့္ သူနဲ႔ ညွိၾကည့္လုိ႔ သဇင္ပန္းကို အတုနဲ႔ အစစ္ေရာၿပီး ပန္ဆင္ေပးမယ္ဆိုရင္ သဇင္လိုသေလာက္ မရရင္ေတာင္ လွႏိုင္ပါတယ္ေနာ္။ ဒါေၾကာင့္ သဇင္ပန္း မရမွာ စိုးရိမ္ရင္ ဆံထံုးထံုးေပးမယ့္သူနဲ႔သာ တိုင္ပင္ပါ။

ကိုယ့္ရဲ႕ မဂၤလာပြဲမွာ သဇင္ပန္းပန္မယ္လုိ႔ စဥ္းစားထားရင္ေတာ့ Marry က ေျပာျပထားတဲ့ အခ်က္ေတြ စဥ္းစားထားဖို႔ လုိတယ္ေနာ္။

 

စိတ်ကူးထဲက မင်္ဂလာပွဲလေးဖြစ်မြောက်ဖို့ သတို့သား သတို့သမီးလောင်းတို့ ကိုယ်တိုင်အပင်ပန်းခံ စီစဉ်စရာလုံးဝမလိုအောင် Marry Wedding Planner ရဲ့ပြီးပြည့်စုံလွန်းတဲ့ Wedding Package (၃) မျိုး နဲ့ မိတ်ဆက်ပေးလိုက်ပါပြီ။ ဒါကြောင့် အခုပဲ Marry ရဲ့ဖုန်း : 09 694 496 926 ကိုဆက်သွယ်ပြီး အကောင်းဆုံး Wedding Package တွေကို ရယူလိုက်တော့နော်။
From Marry with


Comments

0 comments
Latest video
Refer to more useful articles
Community
Latest wedding promotions
Keywords