Advertisement

စုံတွဲလေးတို့ရေ ဟန်းနီးမွန်းသွားတဲ့အချိန်မှာ ပိုက်ဆံချွေတာချင်တယ်ဆိုရင်တော့ Marry က ပြောပြထားတဲ့အချက်လေးတွေအတိုင်း ခရီးသွားပေးနော်။

စုံတွဲလေးတို့ရေ ပိုက်ဆံဆိုတာကတော့ မကုန်လေ ကောင်းလေပဲမလားနော်။ ဟန်းနီးမွန်းဆိုတာ တစ်သက်မှာ တစ်ခါသာ သွားရတဲ့ ခရီးစဉ်လေးဖြစ်တာမို့ စိတ်ချမ်းချမ်းသာသာနဲ့ ငွေကြေးကြောင့် ပူပန်စရာ မလိုဘဲ ဖြတ်သန်းချင်မှာပါ။ ဒါပေမယ့်လည်း တခြားနေရာတွေမှာပါ သုံးချင်တာမို့ ဟန်းနီးမွန်းမှာ စရိတ်နည်းချင်တယ်ဆိုရင် လျှော့လို့ရမယ့် နည်းလမ်းလေးတွေ ပြောပြမယ်နော်။

အချိန်

စုံတွဲလေးတို့ရေ ကုန်ကျစရိတ် ချွေတာမယ်ဆိုရင်တော့ ခရီးသွားရာသီကို ရှောင်ပါ။ ခရီးအသွားနည်းတဲ့အချိန်ကို သွားပါ။ ခရီးသွားရာသီမဟုတ်ဘူးဆိုရင် လမ်းစရိတ်နည်းမှာဖြစ်သလို တည်းမယ့်နေရာလည်း ဈေးလျှော့တာ၊ Promotion ပေးတာတွေ ရှိနိုင်ပါတယ်။ ချွေတာချင်တယ်ဆိုရင်တောာ့ ခရီးသွားရာသီအချိန်ကို ရှောင်ပါ။

အချိန် (photo: The Wedding Vow)

အစားအသောက်

စုံတွဲလေးတို့ ဟိုတယ်တွေမှာ စားမယ်ဆိုရင်တော့ အများစုက ဈေး(၂) ဆပါပဲ။ ဟိုတယ်မှာစားမယ်ဆိုရင်တော့ ကုန်ကျစရိတ်ပိုကုန်မှာပါ။ဒါကြောင့် သွားမယ့် ခရီးမှာ စားကောင်းပြီး ဘတ်ဂျက်ကိုက်မယ့် ဆိုင်တွေကို စုံစမ်းထားပါ။ အဲဒီလိုမျိုးလေးတွေပဲ စားမယ်ဆိုရင် ကုန်ကျစရိတ် လျှော့သွားမှာပါ။

ဟန်းနီးမွန်းဆိုတာ (photo: HDFC Bank)

ဟိုတယ်

ဟိုတယ်မှာလည်း ဈေးနှုန်းတွေ အမျိုးမျိုး ရှိတာမို့ ဘတ်ဂျက်ချွေတာမယ်ဆိုရင် အကောင်းစားကြီးဆိုတာတွေထက် ကိုယ်နေလို့ အဆင်ပြေမယ့် ဟိုတယ်ကိုပဲ ရွေးချယ်ပါ။ သက်တောင့်သက်သာ ရှိပြီး လုံခြုံတဲ့နေရာလေး၊ ဝန်ဆောင်မှု ကောင်းတာလေးဆိုရင် ရပါပြီနော်။ ဒါဆိုရင်တော့ ကုန်ကျစရိတ်က နည်းမှာပါ။

ဟိုတယ် (photo: tripadvisor.ie)

ဝယ်တာ

ဟန်းနီးမွန်းအပြန် လက်ဆောင်တွေ အရမ်းဝယ်တာကို လျှော့ပါ။ တော်တော်များများရဲ့ ကုန်ကျစရိတ်တွေထဲမှာ လက်ဆောင်ဝယ်လာတာတွေက များနေတတ်ကြပါတယ်။ ပစ္စည်းများများ ဝယ်တာကို လျှော့ပါ။ အဓိကက နှစ်ယောက်အတူတူ ပျော်ပျော်ရွှင်ရွှင်ဖြတ်သန်းရဖို့ပါပဲနော်။

ပစ္စည်းအစုံအလင် ထည့်သွားပါ

စုံတွဲလေးတို့ ဟန်းနီးမွန်းရောက်မှ ပစ္စည်းတွေ ကျန်ခဲ့လို့ မစုံလို့ ဝယ်တာမျိုး မဖြစ်မိပါစေနဲ့နော်။ ဒီလိုဆိုရင် ကုန်ကျစရိတ် ပိုကုန်နိုင်တာကြောင့်ပါ။ ဟိုရောက်မှ ရေကူးဝတ်စုံ ဝယ်တာမျိုးပေါ့။ အဲဒီလို ဖြစ်မယ်ဆိုရင် ရွေးချယ်စရာနည်းပြီး ဈေးကြီးနိုင်ပါတယ်။ အဲဒါကြောင့် အစုံအလင် ထည့်ပါ။

စုံတွဲလေးတို့ရေ ဟန်းနီးမွန်းသွားတဲ့အချိန်မှာ ပိုက်ဆံချွေတာချင်တယ်ဆိုရင်တော့ Marry က ပြောပြထားတဲ့အချက်လေးတွေအတိုင်း ခရီးသွားပေးနော်။

 

Comments

0 comments