သီတင်းကျွတ်မှာ ဟန်းနီးမွန်းထွက်မယ့် စုံတွဲလေးတွေအတွက်

by: Phyo Pyae Thu
 0 comments  0 love

သီတင်းကျွတ်မှာ ဟန်းနီးမွန်းထွက်မယ်လို့ တွေးထားတယ်ဆိုရင်တော့ Marry က ပြောပြထားတဲ့ အချက်လေးတွေကို အရင်သိထားပေးနော်။ အဲဒါမှ ဟန်းနီးမွန်းလေးက စိတ်ချမ်းသာရမှာ။

စုံတွဲလေးတို့ရေ ဟန်းနီးမွန်းခရီးစဉ်လေးကို ဘယ်ရက်တွေ ရွေးချယ်ထားလဲ။ ဒီနှစ်မှာ သီတင်းကျွတ်ပိတ်ရက်က (၅) ရက် ရတာဆိုတော့ ဟန်းနီးမွန်းသွားဖို့ အချိန်အခါကောင်းပါပဲ။ သီတင်းကျွတ်ဆိုရင် နေရာတိုင်းမှာ မီးထွန်းပွဲတော်တွေ ရှိနေမှာဖြစ်ပြီး သီတင်းကျွတ် အငွေ့အသက်လေးတွေ အပြည့်အဝ ရနိုင်မှာမလို့ ဒီရက်မှာ ဟန်းနီးမွန်း ခရီးလေး စီစဉ်ထားသင့်ပါတယ်။ သီတင်းကျွတ်မှာ ဟန်းနီးမွန်းထွက်မယ့် သူတွေအနေနဲ့ သိထားသင့်တာလေးတွေ ပြောပြမယ်နော်။

ခရီးစဉ်

သီတင်းကျွတ် ပိတ်ရက်က ခရီးသွားရာသီ ဖြစ်တာမို့ နေရာတိုင်းမှာ လည်ပတ်သူတွေနဲ့ လူများနေမှာ သေချာပါတယ်။ ဒီတော့ ဟန်းနီးမွန်းမှာ ပျော်ပျော်ရွှင်ရွှင် ဖြစ်ဖို့ဆိုရင် ကြိုတင်ပြီး သေချာ စီစဉ်ဖို့ လိုပါတယ်နော်။ ခရီးစဉ် တစ်လျှောက်လုံးကို Plan သေချာ ဆွဲပါ။ တည်းမယ့်နေရာ၊ ကားလိုင်းတွေနဲ့ အစားအသောက်တွေက အစ သေချာချိတ်ပါ။ ဒါမှ ကိုယ်လိုချင်တဲ့ နေရာမှာ တည်းပြီး စိတ်ကြိုက်လည်ပတ်လို့ ရမှာပါ။

သွားမယ့်နေရာ ရွေးချယ်တဲ့အခါ (photo: Pintrest)

သွားမယ့်နေရာ ရွေးချယ်တဲ့အခါ

စုံတွဲလေးတို့ သွားမယ့်နေရာ ရွေးချယ်တဲ့အခါမှာလည်း သတိပြုရမှာတွေ ရှိပါတယ်။ အပေါ်မှာ ပြောပြထားသလိုမျိုး နေရာတိုင်းမှာ ပြည့်နေမှာဆိုတော့ ကိုယ်ရွေးချယ်တဲ့နေရာကရော လူပြည့်နိုင်တဲ့နေရာလား။ အဲဒီလိုမျိုးကိုရော ကြိုက်လားပေါ့။ လူစည်ကားတဲ့နေရာတွေ မသွားဘူးဆိုရင် ဘယ်နေရာတွေမှာ လှပတဲ့ရူခင်းတွေရှိပြီး လူနည်းလဲ ဆိုတာ ကြိုစုံစမ်းပါ။

ဘာတွေရှိမလဲ

သီတင်းကျွတ်ဆိုရင်တော့ နေရာတော်တော်များများမှာ ပွဲတော်တွေ ရှိနေတတ်ပါတယ်။ ကိုယ်သွားမယ့်နေရာမှာရော အဲဒီလို ပွဲတော်တွေ ၊ ပျော်ပွဲရွှင်ပွဲတွေ ရှိနေမလားဆိုတာ စုံစမ်းသွားပါ။ ဒါဆိုရင် စုံတွဲလေးတို့လည်း ဝင်နွှဲလို့ ရတာပေါ့။ အဲဒီအချက်လေးတွေ သိထားပေးနော်။

ဘာတွေရှိမလဲ (photo: reviewjournal.com)

 ဟန်းနီးမွန်း ခရီးစဉ်ဖြစ်ဖို့

စုံတွဲလေးတို့ရေ ဟန်းနီးမွန်း ခရီးစဉ်လေးအဖြစ် တသီးတသန့် ဖြစ်ချင်တယ်ဆိုရင်တော့ ခရီးစဉ်စီစဉ်တဲ့အခါမှာ ဟန်းနီးမွန်းခရီးစဉ်ဖြစ်ကြောင်း ပြောပါနော်။ ဒါမှ ဟန်းနီးမွန်းအတွက် ဟိုတယ်တွေက သီးသန့် ပြင်ဆင်ပေးတာမျိုးလေး ရရှိမှာပါ။ နောက်တစ်ခုကတော့ သီတင်းကျွတ်ဆိုရင် promotion တွေလည်း ရှိတယ်လေနော်။

သီတင်းကျွတ်မှာ ဟန်းနီးမွန်းထွက်မယ်လို့ တွေးထားတယ်ဆိုရင်တော့ Marry က ပြောပြထားတဲ့ အချက်လေးတွေကို အရင်သိထားပေးနော်။ အဲဒါမှ ဟန်းနီးမွန်းလေးက စိတ်ချမ်းသာရမှာ။

 

 

From Marry with


Comments

0 comments
Latest video
Refer to more useful articles
Community
Latest wedding promotions
Keywords