ရန်ကုန်တိုင်းတရားရုံးချုပ် (High Court) မှာ အဆင်ပြေပြေ မင်္ဂလာလက်မှတ် ရေးထိုးနိုင်ဖို့

by: Phyo Pyae Thu
 0 comments  0 love

မင်္ဂလာလက်မှတ်ရေးထိုးတဲ့အခါမှာ ကိုယ့်မြို့နယ်တရားရုံးမှာပဲ လက်မှတ်ထိုးလည်း ရပါတယ်။ ဒါမှမဟုတ် High Count မှာပဲ ရေးထိုးချင်တယ်ဆိုရင်လည်း ရပါတယ်။ 

မင်္ဂလာဆောင်မယ့် သတို့သား၊ သတို့သမီးလေးတို့ရေ ကိုယ်ချစ်ရတဲ့သူနဲ့ တစ်အိုးတစ်အိမ် ထူထောင်ဖို့ဆိုရင် စေ့စပ်ကြောင်းလမ်းခြင်း၊ မင်္ဂလာလက်မှတ်ရေးထိုးခြင်း၊ မင်္ဂလာပွဲလေးတွေ စည်စည်ကားကား ကျင်းပချင်ကြမှာပါ။ ဒီအခါမှာ ဘယ်နေရာမှာ ဘယ်လိုလေး ဆောင်မယ်၊ မိတ်ကပ်ဆိုရင်လည်း ဘယ်သူနဲ့ ပြင်မယ် အစရှိသလို စိတ်လှုပ်ရှားဖွယ်ရာ ပြင်ဆင်ရမှာပါ။  သတို့သား သတို့သမီးလေးတို့အနေနဲ့ မင်္ဂလာဆောင်တဲ့အခါ စေ့စပ်ကြောင်းလမ်းခြင်းပြီးရင် လက်မှတ်ရေးထိုးပွဲလေး လုပ်လို့ရပါပြီ။

မင်္ဂလာလက်မှတ် ဘယ်နေရာမှာထိုးမလဲ

မင်္ဂလာလက်မှတ်ရေးထိုးတဲ့အခါမှာ ကိုယ့်မြို့နယ်မှာပဲ တရားသူကြီး၊ ရှေ့နေ၊ အသိသက်သေ၊ နှစ်ဖက်မိဘတွေနဲ့ လက်မှတ်ထိုးလည်း ရပါတယ်။ ဒါမှမဟုတ် ရန်ကုန်တိုင်းတရားရုံးချုပ် (High Court) မှာ ရေးထိုးချင်တယ်ဆိုရင်လည်း ရပါတယ်။

ရန်ကုန်တိုင်းတရားရုံးချုပ် (High Court) မှာ မင်္ဂလာလက်မှတ်ထိုးမယ်ဆိုရင်

ရန်ကုန်တိုင်းတရားရုံးချုပ် (High Court) မှာ မင်္ဂလာလက်မှတ် ရေးထိုးချင်တဲ့သူတွေ တော်တော်တော့ များပါတယ်။ စုံတွဲတိုင်းနီးပါးလည်း High Court အဆောက်အဦးကြီးနဲ့ ဓါတ်ပုံလှလှလေးတွေလည်း ရိုက်ထားတာလည်း အများကြီးပါနော်။ သတို့သား၊ သတို့သမီးလေးတို့အနေနဲ့လည်း ရန်ကုန်တိုင်းတရားရုံးချုပ် (High Court) မှာ လက်မှတ်ထိုးချင်တယ်ဆိုရင်တော့ သိထားသင့်တာတွေ ရှိပါတယ်။ ရန်ကုန်တိုင်းတရားရုံးချုပ် (High Court) မှာ လက်မှတ်ထိုးမယ်ဆိုရင်တော့ မင်္ဂလာ လက်ထပ်စာချုပ်က ကိုယ်တိုင်ယူသွားရမှာပါ။ မင်္ဂလာလက်ထပ်စာချုပ်ကတော့ ဝန်ဆောင်ခ အပြီးအစီးဆိုရင် လက်ထပ်စာချုပ်အဖုံးမပါဘဲ (၃၀၀၀၀) ဝန်းကျင်လောက်ကနေ  စရှိပါတယ်။ လက်ထပ်စာချုပ် အဖုံးလှလှလေးတွေ ထပ်လုပ်တာကတော့ (၅၀၀၀) ကနေ (၂၅၀၀၀) ဝန်းကျင်လောက်အထိ ရှိပါတယ်။ ရန်ကုန်တိုင်းတရားရုံးချုပ် (High Court) မှာ လက်မှတ်ထိုးဖို့ဆိုရင်  မနက်(၈) နာရီလောက်ကစပြီး တန်းစီရပါတယ်။ နေ့လည် (၁၁) နာရီအထိ လာရောက်လက်မှတ်ထိုးတဲ့ စုံတွဲတွေကိုပဲ အဲဒီနေ့ တစ်နေ့တာအတွက် မင်္ဂလက်ထပ်စာချုပ် လက်မှတ်ထိုးဖို့ တရားသူကြီးက စီစဉ်ပေးမှာပါ။ လက်မှတ်ထိုးတဲ့အခါ အသိသက်သေ ဟိုဘက်ဒီဘက် လိုပါတယ်။ အသိသက်သေတွေရဲ့ မှတ်ပုံတင်မူရင်း ယူလာပေးဖို့လည်း မှာထားပါဦးနော်။

မင်္ဂလာလက်မှတ်ထိုးပွဲနဲ့ မိတ်ကပ်အပြင်အဆင်

သတို့သမီးလေးတို့ရေ မင်္ဂလာလက်မှတ်ရေးထိုးရမယ့် အချိန်က စောတာကြောင့် မိတ်ကပ်ကလည်း စောစော ပြင်ရမှာပါ။ မနက်(၈) နာရီလောက်မှာ လက်မှတ်ရေးထိုးပွဲ ဆိုရင်တော့ မနက်(၆) နာရီလောက်ကတည်းက မိတ်ကပ်ပြင်တာတွေ လုပ်ထားဖို့ လိုပါတယ်။ မိတ်ကပ်တွေ မပျက်သွားဖို့လည်း ဂရုစိုက်ရမှာပါ။  မိတ်ကပ်ပြင်ပေးမယ့်သူကို ဘယ်အချိန်မှာ လက်မှတ်ထိုးပွဲလုပ်မယ်၊ ဘယ်အချိန်ဓါတ်ပုံရိုက်မယ်ဆိုတာလေးပါ ပြောပြပါ။ မိတ်ကပ်ပြင်မယ့်သူ အချိန်ကြည့်ပြီး အလှပြင်နိုင်အောင်ပါ။

လွတ်လပ်ရေးကျောက်တိုင်ကို နောက်ခံထားပြီး ဆူးလေပန်းခြံအလှနဲ့ တွဲဖက်ထားတဲ့ ပုံလေး (photo: htoochar’s facebook)

ဓါတ်ပုံလှလှလေးတွေ ရနိုင်ဖို့

မနက်(၈) နာရီတည်းက တန်းစီရမှာဖြစ်တဲ့အတွက် (၈) နာရီမတိုင်ခင် အလှဓါတ်ပုံရိုက်ဖို့ဆိုတာကတော့ မဖြစ်နိုင်ပါဘူး။ ဒီတော့ လက်မှတ်ထိုးပြီးတာနဲ့ နေလည်းမပူခင်မှာ ဓါတ်ပုံရိုက်နိုင်ဖို့အတွက် ဓါတ်ပုံဆရာပါ ကြိုတင်ချိတ်ထားတာဖို့ လိုပါတယ်။ လက်မှတ်ထိုးတာ ပြီးပြီဆိုရင်တော့ လက်ထပ်စာချုပ်လေးတွေ ကိုင်ပြီး High Court အဆောက်အဦးကြီးကို နောက်ခံထားပြီး ဓါတ်ပုံလှလှလေးတွေ ရိုက်လို့ရပါပြီ။ တချို့တွေကလည်း ဆူးလေပန်းခြံထဲမှာ ထိုင်လျက်လေးတွေ၊ ကျောခြင်းကပ်လေးတွေလည်း ရိုက်ကြပါတယ်။ လွတ်လပ်ရေးကျောက်တိုင်ကြီးနဲ့လည်း ရိုက်လို့ရသေးတယ်နော်။ နေမပူခင်လေး အမြန်ရိုက်ရင်တော့ မျက်စိမှိတ်တဲ့ ပုံလေးတွေ ရှောင်ပြီးသား ဖြစ်သွားမှာပါနော်။ ဒါကြောင့် High Court မှာ မင်္ဂလာလက်မှတ်ရေးထိုးမယ်ဆိုရင် အစောဆုံးသွားတာက အကောင်းဆုံးပါ။ အသိသက်သေ လိုက်ပေးတဲ့ မိတ်ဆွေတွေကိုလည်း နေ့လည်စာ ဧည့်ခံလို့ ရပါသေးတယ်။

 

 

From Marry with


Comments

0 comments
Latest video
Community
Latest wedding promotions
Keywords