Advertisement

စုံတွဲလေးတို့ အိမ်ထောင်ရေး အဆင်မပြေတာတွေ ဖြစ်နေတယ်ဆိုရင်တော့ Marry က ပြောပြထားတဲ့အချက်လေးတွေ လုပ်ဆောင်ကြည့်ပါ။ ဒါဆို ပြေလည်လာမှာပါနော်။

အိမ်ထောင်ရေးတစ်ခု အဆင်ပြေသာယာနိုင်ဖုိ့ဆိုတာ ယောက်ျားရော မိန်းမပါ စိတ်တူကိုယ်တူ ဖြစ်ဖို့ လိုပါတယ်။ သူ့ဘက်ကိုယ့်ဘက် ဖြည့်တွေးပေးတတ်ဖို့တွေ၊ နားလည်ပေးနိုင်ဖို့တွေဟာ တကယ့်ကို အရေးကြီးတဲ့ကိစ္စတွေပါ။ စုံတွဲလေးတို့ အိမ်ထောင်ရေး သာယာပြီး စိတ်ချမ်းမြေ့ဖို့ ဆိုတာ တစ်ယောက်ကို တစ်ယောက် လုပ်ဆောင်ပေးရမှာတွေ ရှိပါတယ်။ ဘယ်လိုအချက်လေးတွေ လုပ်ဆောင်ရမလဲဆိုတာ ပြောပြမယ်နော်။

ဦးစားပေးပါ

အိမ်ထောင်ရေးမှာ ဘယ်သူက ဦးဆောင်တယ်၊ ဘယ်သူကတော့ အရေးမပါဘူးဆိုတာမျိုး ဖြစ်တတ်ပါတယ်။ တကယ်ဆိုရင် အိမ်ထောင်ရေး အဆင်ပြေဖို့ဆိုရင် တစ်ယောက်နဲ့ တစ်ယောက် ဦးစားပေးတတ်ဖို့ လိုပါတယ်။ ယောက်ျားဦးဆောင်ရမယ့် နေရာကို ယောက်ျားကို ဦးဆောင်ခွင့်ပေးပါ။ နောက်တစ်ခုကတော့ အိမ်ထောင်ဘက်ကို အထင်ကြီးပါ။ လေးလေးစားစား ဆက်ဆံပါ။

တွဲလက်တွေ မြဲပါစေ (photo: unsplash)

ပြုံးပြုံးရွှင်ရွှင်နေပါ

အမြဲတမ်းကြီး ပြုံးရွှင်နေရမယ်လို့တော့ မဟုတ်ပါဘူး။ ဒါပေမယ့် စိတ်ညစ်ရမယ့် အချိန်ပဲ ညစ်ပြီး ကျန်တဲ့အချိန်တွေမှာတော့ ပြုံးပြုံးရွှင်ရွှင်နေပါ။ အမြဲတမ်း မှိုင်တွေပြီး မနေပါနဲ့နော်။ ဒါက အိမ်ထောင်ရေးမှာ မသာယာနိုင်ပါဘူး။ တချိ့တွေက ပြုံးပြုံးရွှင်ရွှင် မရှိတဲ့အခါမှာ အိမ်ထောင်ဘက်ကလည်း ကိုယ့်ကိုကြည့်ပြီး ပိုစိတ်ညစ်လာနိုင်ပါတယ်နော်။

တီတီတာတာလေးတွေ ပြောပေးပါ (photo: Pintrest)

သွေးမအေးလိုက်ပါနဲ့

အိမ်ထောင်ရေး သာယာချင်တယ်ဆိုရင်တော့ သမီးရည်းစား ချစ်သူဘဝလိုပဲ နွေးနွေးထွေးထွေး ဆက်ဆံပေးပါ။ ဒါကအိမ်ထောင်သက်ကြာလာရင် ပျောက်ကွယ်တတ်တယ်ဆိုပေမယ့် အိမ်ထောင်ရေး မြဲဖို့တော့ လိုကိုလိုအပ်တဲ့အရာပါ။ တီတီတာတာလေးတွေ ပြောပေးပါ။

အိမ်ခွဲနေပါ

ကူညီပါ

တစ်ယောက်က အလုပ်တွေ များနေချိန်မှာ တစ်ယောက်က ကူညီပါ။ ယောက်ျားရဲ့ အလုပ်တွေကို မိန်းမက ကူလုပ်ပေးဖို့ လိုသလို မိန်းမရဲ့ အလုပ်နဲ့ အိမ်မှုကိစ္စတွေကိုလည်း ကူညီပါ။ တစ်ယောက်အလုပ်တစ်ယောက် မခွဲခြားဘဲ မောင်တထမ်း မယ်တရွက် ကူညီဆောင်ရွက်မယ်ဆိုရင် အိမ်ထောင်ရေးမှာ ပြေလည်မှာပါ။

အိမ်ခွဲနေပါ

အိမ်ထောင်ရေး အဆင်မပြေကြတဲ့ စုံတွဲတော်တော်များများမှာ အတွေ့များရတဲ့ ပြဿနာကတော့ အိမ်ခွဲမနေတာပါ။ မင်္ဂလာဆောင်ပြီးပြီ ဆိုရင် အိမ်ခွဲနေတာဟာ အကောင်းဆုံးပါ။ မိသားစုဝင်တွေနဲ့ အတူနေမယ်ဆိုရင် ယောက္ခမနဲ့သမက်မလုိ့၊ ချွေးမ မလို့ စတဲ့ အကြောင်းမညီညွတ်တဲ့ ပြဿနာတွေ ဖြစ်လာနိုင်ပါတယ်။ အမြင်မကြည်တာတွေ များလာတဲ့အခါမှာ ထိခိုက်မှာကကိုယ့်အိမ်ထောင်ရေးပါပဲနော်။ဒါကြောင့် ချစ်ခင်ရင်းနှီးမှုတွေ ရချင်တယ်ဆိုရင်တော့ အိမ်ခွဲနေပါ။

စုံတွဲလေးတို့ အိမ်ထောင်ရေး အဆင်မပြေတာတွေ ဖြစ်နေတယ်ဆိုရင်တော့ Marry က ပြောပြထားတဲ့အချက်လေးတွေ လုပ်ဆောင်ကြည့်ပါ။ ဒါဆို ပြေလည်လာမှာပါနော်။

 

 

Comments

0 comments