သတို့သားရဲ့အမေနဲ့ မင်္ဂလာမဆောင်ခင်ထဲက ဘယ်လိုပေါင်းမလဲ

by: Phyo Pyae Thu
 0 comments  0 love

ယောက္ခမကို တည့်အောင်ပေါင်းဖို့ လိုတယ်နော်

သတို့သမီးလောင်းလေးတို့ရေ သတို့သားရဲ့ အမေဆိုတာ ကိုယ်တသက်လုံး ပတ်သက်ချစ်ခင်ဆက်နွယ်ရမယ့် ယောက္ခမပါပဲနော်။ ယောက္ခမနဲ့ ချွေးမ မတည့်ဘူးဆိုတာကလည်း အမြဲဖြစ်နေကျကိစ္စတွေထဲက တစ်ခုပါပဲ။ ဒါပေမယ့်လည်း ကိုယ်လက်ထပ်မယ့် သတို့သားရဲ့ အမေကို တည့်အောင် ပေါင်းဖို့တော့ လိုတာပေ့ါ။ ဒါမှပဲ မင်္ဂလာဆောင်ကိစ္စတွေ စီစဉ်တဲ့အခါရော လက်ထပ်ပြီးတဲ့အခါမှာရော အဆင်ပြေမှာပါ။ ဘယ်လိုပေါင်းသင်းဆက်ဆံမလဲဆိုတာ ဖတ်ကြည့်ပေးဦးနော်။

မေမေ့အကြိုက်ကို သိပါစေ(photo: Verywell Family)

အချစ်တော်ဖြစ်အောင်

ယောက္ခမအချစ်တော် ဖြစ်ဖို့ဆိုတာ မလွယ်ဘူးဆိုပေမယ့် ကြိုးစားကြည့်ရမှာပါပဲနော်။ မချစ်ရင်တောင် မမုန်းနဲ့ဆိုသလို အမေအရင်းလို မချစ်နိုင်ရင်တောင် အန်တီတစ်ယောက်လိုတော့ ချစ်ပေးဖို့ လိုပါတယ်။ ယောက္ခမက ကိုယ့်ကို အမြင်ကြည်ဖို့ဆိုရင် သတို့သားလေးရဲ့ အကူအညီလိုအပ်ပါတယ်။ သတို့သားလေးက ကိုယ့်အကြောင်းတွေကို အလိုက်အထိုက် ပြောပေးထားမှ ယောက္ခမက အမြင်ကြည်မှာပေါ့နော်။ သတို့သားလေးရဲ့ ကြားဝင်စေ့စပ်မှုတွေပေါ် မူတည်ပြီး မေမေ့အချစ်တော် ဖြစ်လာမှာမို့ သတို့သားလေးကို ကြိုတင် မှာထားနော်။

မေမေနဲ့တွေ့တဲ့အခါ

မင်္ဂလာမဆောင်ခင် မေမေနဲ့ တွေ့ရတဲ့ အခိုက်အတန့်တွေ ရှိလာမှာပါ။ မေမေနဲ့ တွေ့တဲ့အခါမှာ သားကို ဘယ်လိုချစ်ကြောင်း၊ ဂရုစိုက်ပေးမယ်အကြောင်းလေးတွေ ပြောပြပေးပါ။ နောက်တစ်ခုကတော့ မေမေရဲ့ အမြင်ထဲမှာ ကိုယ်က ရင့်ကျက်ပြီး အေးဆေးတည်ငြိမ်တဲ့သူ ဖြစ်ဖို့ လိုပါတယ်။ အဝတ်အစားလေးကအစ မေမေကြိုက်တဲ့ပုံလေး ဖြစ်ဖို့လိုပါတယ်။

လက်ဆောင်သေးသေးလေးတွေ ဝယ်ပေးပါ (photo:shutterstock.com)

မကောင်းကြောင်း မပြောပါနဲ့

ယောက္ခမနဲ့ အဆင်ပြေဖို့ဆိုရင် သူ့သား မကောင်းကြောင်း ပြောလို့ မရဘူးနော်။ သားကို အပြစ်တင်နေတာမျိုး မေမေက ဘယ်ကြိုက်ပါ့မလဲ၊ ဒါတော့ ချွေးမလေးတို့ သတိထားရမယ်နော်။

လက်ဆောင်လေးတွေ ပေးပါ

ယောက္ခမလောင်း ကြည်ဖြူဖို့ လက်ဆောင်သေးသေးလေးတွေ ပေးဖို့ မမေ့ပါနဲ့။ ယောက္ခမ နှစ်သက်သဘောကျလောက်မယ့် လက်ဆောင်လေးတွေ ပေးပါ။ အကြိုက်ကိုသိဖို့ဆိုတာလည်း ကိုယ့်ချစ်ချစ်ရဲ့ အကူအညီလိုတာပေါ့။ သူ့ကို တိုးတိုးတိတ်တိတ် မေးပြီး ဝယ်ပေးတာမျိုးပေါ့။

ယောက္ခမ ကိုယ့်အပေါ်မှာ ထားတဲ့ သဘောထားကိုလည်း သိအောင် ကြိုးစားရပါမယ် (Photo:kenhphunu.com)

အိမ်မှုကိစ္စ

အိမ်မှုကိစ္စတွေကို အကုန်လုံး မလုပ်ဘူးဆိုရင်တောင် လုံးဝမလုပ်ချင်တဲ့ပုံစံ မပြပါနဲ့နော်။ လက်ရာအကောင်းကြီး မဟုတ်ရင်တောင် စားလို့ရအောင်တော့ ချက်တတ်တယ်ဆိုတာမျိုး ယောက္ခမ သိပါစေနော်။ အိမ်မှုကိစ္စ မနိုင်နင်းတာကို ဘယ်သူမှ မကြိုက်လောက်ဘူးလေနော်။

သဘောထား

ယောက္ခမ ကိုယ့်အပေါ်မှာ ထားတဲ့ သဘောထားကိုလည်း သိအောင် ကြိုးစားရပါမယ်။ ဒါမှပဲ ကိုယ်က ရှေ့ဆက်လို့ ရမယ်မလား၊ ကိုယ့်ကို ဘယ်လောက်ရာခိုင်နှုန်း သဘောကျသလဲဆိုတာ သိဖို့လိုပါတယ်။ ယောက္ခမဆီက မသိရရင်တောင် ကိုယ့်သတို့သားဆီကနေ မေးမြန်းပေါ့။ ဒါမှပဲ ချွေးမတစ်ယောက်အနေနဲ့ ဘာတွေရှောင်ရ ဆောင်ရမလဲဆိုတာ သိမှာပေါ့နော်။

ရင်းနှီးအောင်နေပါ

သတို့သားအမေနဲ့ မင်္ဂလာပွဲစတင် မစီစဉ်ခင်မှာ ရင်းနှီးအောင်နေပါ။ မေးထူးခေါ်ပြော မဟုတ်ဘဲ တကယ်ရင်းနှီးသလိုမျိုးလေး နေပါ။ ဒါမှ တိုင်ပင်စရာရှိတာ တိုင်ပင်လို့ ရမှာပါ။ မင်္ဂလာဆောင်စီစဉ်တဲ့အခါမှာလည်း အတူတူ စီစဉ်တာမျိုး လုပ်လို့ ရတာပေါ့နော်။

မင်္ဂလာမဆောင်ခင် ယောက္ခမလောင်းနဲ့ အဆင်ပြေစေဖို့ Marry က ခုပြောပြတဲ့ အချက်လေးတွေကို မမေ့နဲ့နော်။

 

From Marry with


Comments

0 comments
Latest video
Community
Latest wedding promotions
Keywords