Advertisement

မင်္ဂလာရက် သတ်မှတ်ကြတဲ့အခါမှာ ရက်ရာဇာ၊ ပြဿဒါးတွေအပြင် ဘယ်လ၊ ဘယ်ရက်တွေမှာ ဆောင်သင့်တယ်ဆိုတာလည်း  သေချာလေး စီစဉ်ဆောင်ရွက်သင့်ပါတယ်နော်။ 

စုံတွဲလေးတို့ရေ မေတ္တာမျှနေကြောင်း နှစ်ဖက်မိဘတွေကို အသိပေးပြီးပြီး စေ့စပ်တောင်းရမ်းပွဲလေး လုပ်ပြီဆိုရင်တော့ မင်္ဂလာပွဲ ဘယ်နေ့ကျင်းပမလဲဆိုတဲ့ နေ့ကောင်းရက်သာတွေ ရွေးချယ်သတ်မှတ်ကြတယ်မလား၊ ဒီလိုမျိုး သတ်မှတ်ကြတဲ့အခါမှာ ရက်ရာဇာ၊ ပြဿဒါးတွေအပြင် ဘယ်လ၊ ဘယ်ရက်တွေမှာ ဆောင်သင့်တယ်ဆိုတာလည်း အရေးကြီးသလို ဆင်မြန်းသင့်တဲ့ ပန်း၊ ဝတ်စုံအရောင်တွေကအစ သေချာလေး စီစဉ်ဆောင်ရွက်သင့်ပါတယ်နော်။

မင်္ဂလာဆောင်တယ်ဆိုတာ သူစိမ်းတစ်ယောက်နဲ့ တစ်သက်လုံး ပေါင်းသင်းနေထိုင်ခြင်း ဖြစ်တာကြောင့် ဘဝတစ်ခုလုံးအတွက် အရေးကြီးပါတယ်နော်။ ဒီတော့ ဆောင်ရန်ရှောင်ရန်လေးတွေ ကြိုတင်ပြီး သိထားသင့်ပါတယ်။

စုံတွဲလေးတို့ ဇာတာစစ်ကြည့်ဖို့ လိုပါတယ် (photo:In Pursuit of Martha Points)

မင်္ဂလာပွဲကျင်းပသင့်တဲ့ လ (၆) လ

မင်္ဂလာပွဲ ကျင်းပသင့်တဲ့လတွေကတော့ တန်ခူးလ၊ ကဆုန်၊ နယုန်၊ သီတင်းကျွတ်၊ တန်ဆောင်မုန်းနဲ့ တပို့တွဲလတွေပါ။ တန်ခူးလမှာ မင်္ဂလာပွဲ ကျင်းပမယ်ဆိုရင် ပစ္စည်းဥစ္စာကြွယ်ဝခြင်း၊ ကဆုန်လမှာ ချမ်းသာကြွယ်ဝခြင်း၊ နယုန်လမှာ ပျော်ရွှင်မှုရရှိခြင်း၊ မေတ္တာဓါတ်ပြည့်ဝခြင်း၊ သီတင်းကျွတ်မှာဆိုရင် ဆန်ရေစပါး ပြည့်စုံတတ်ခြင်း၊ သားကောင်းသမီးရတနာ ထွန်းကားခြင်းနဲ့ တန်ဆောင်မုန်းဆိုရင်တော့ နေအိမ်မင်္ဂလာအသုံးအဆောင်တွေ ပြည့်စုံတာမျိုး အကျိုးကျေးဇူးတွေ ခံစားရမှာ ဖြစ်ပါတယ်။

မင်္ဂလာအချိန်ကိုလည်းနေ့ရက်အလိုက် တွက်ချက်သင့်ပါတယ်

မင်္ဂလာပွဲ မကျင်းပသင့်တဲ့လ (၆) လ

မင်္ဂလာပွဲ မကျင်းပသင့်တဲ့ (၆) လကတော့ ဝါဆို၊ ဝါခေါင်၊ တော်သလင်း၊ နတ်တော်၊ပြာသိုလနဲ့ တပေါင်းလပဲ ဖြစ်ပါတယ်။ ဝါဆိုလမှာဆိုရင် ဖျားနာခြင်း၊ ဘေးအန္တရာယ်ကြုံခြင်း၊ ဝါခေါင်လမှာဆိုရင် စိတ်သောကဖြစ်စရာ ကြုံတတ်ခြင်း၊ တော်သလင်းလမှာဆိုရင် ရောဂါထူပြောတတ်ခြင်း၊ နတ်တော်လမှာ အိမ်ထောင်ရေးသောက ကြုံရတတ်ခြင်း၊ ပြာသိုလမှာ ပစ္စည်းဥစ္စာ ခေါင်းပါးခြင်းနဲ့ တပေါင်းလမှာဆိုရင် စကားခဏခဏများရခြင်းနဲ့ ရှင်ကွဲ ကွဲရခြင်းတွေ ဖြစ်တတ်ပါတယ်။

နေ့ရက်အလိုက် ဆောင်ရန်ရှောင်ရန်

နေ့ရက်အလိုက် ဆောင်ရန်ရှောင်ရန်ကတော့ တနင်္ဂနွေ၊ အင်္ဂါ၊ ဗုဒ္ဓဟူး၊ ကြာသပတေး၊ သောကြာနေ့တွေမှာ မင်္ဂလာဆောင်ရင် သားကောင်းရတနာ ထွန်းကားတတ်သလို  ဥစ္စာပစ္စည်းလည်း ကြွယ်ဝချမ်းသာတတ်ကြပါတယ်။ စနေနေ့နဲ့ တနင်္လာနေ့တွေမှာ မင်္ဂလာဆောင်ရင်တော့ သားသမီးအရနည်းတတ်သလို လင်မယားချင်လည်း ရန်ဖြစ်တာမျိုး ဖြစ်နိုင်ပါတယ်။

အကောင်းဆုံး မင်္ဂလာအချိန်

မင်္ဂလာအချိန်ကတော့ အခမ်းအနားမှူးဘိသိတ်ဆရာက “မင်္ဂလာအချိန်ကျရောက်ပါပြီ”လို့ နှုတ်မြွက်ပြောကြားပြီး မင်္ဂလာအခမ်းအနားစတင်ဖွင့်လှစ်ဖို့ အကောင်းဆုံး အချိန်တွေပါပဲ။ ရုံးတက်လက်မှတ်ထိုးမယ့်သူတွေအတွက် မင်္ဂလာအချိန်ကတော့ တနင်္ဂနွေနေ့၊ ဗုဒ္ဓဟူး၊ သောကြာနေ့တွေမှာဆိုရင် အကောင်းဆုံး မင်္ဂလာအချိန်ကတော့ မနက်(၆ ) နာရီကနေ (၈)နာရီ (၂၄) မိနစ်အတွင်းပါ။ အင်္ဂါနဲ့ ကြာသပတေးနေ့ကတော့ ညနေ(၃) နာရီ (၃၇) မိနစ်ကနေ (၆) နာရီအတွင်းပါ။ ဗုဒ္ဓဟူးနေ့ကတော့ မွန်းလွဲ(၁) နာရီ (၁၃) မိနစ်ကနေ (၃) နာရီ (၃၆) မိနစ်အတွင်းပါ။  ကြာသပတေးနေ့ဆို မနက် (၈)နာရီ (၂၅)မိနစ် ကနေ(၁၀)နာရီ (၄၈)မိနစ် အတွင်းပါ။ စနေနဲ့တနင်္လာ မပါတာက  မင်္ဂလာမဆောင်သင့်ဘူးလို့ ပြောထားပြီးဖြစ်တဲ့အတွက် အချိန်မရွေးပေးတာပါ။

ရက်ရာဇာ ၊ ပြဿ ဒါး၊သမားဖြူ၊၊ သမားညို ၊ဝါရမိတ္တူ ရက်တွေရွေးချယ်ဖို့ကတော့ ပြက္ခဒိန်ကြည့်ပြီး ရွေးလို့ရပါတယ်။ သတိပြုရမယ့်အချက်ကတော့ မင်္ဂလာအချိန်အခါတွေ ဘယ်လောက်ရွေးရွေး ကာယကံရှင် ဇနီးမောင်နှံတို့ရဲ့ ဇာတာနှစ်ခုကို တိုက်စစ်ပြီး ဆောင်ရန်ရှောင်ရန်လေးတွေ လုပ်ထားရင်တော့ ကောင်းပါတယ်။ စုံတွဲလေးတို့ နီးစပ်ရာ ဆရာတွေဆီမှာ ဇာတာတိုက်စစ်တာမျိုး လုပ်ပါ။ ဇာတာမတိုက်ဆိုင်ဘူးဆိုရင် ယတြာချေတာမျိုးလုပ်ဆောင်ပါနော်။ ဒီလိုဆိုရင် ဇနီးမောင်နှံတို့ အိမ်ထောင်ရေး အဆင်ပြေမှာ သေချာပါတယ်။

ဆရာငြိမ်းအေးလူ ( ဗေဒင်သုတေသီ ) 

Comments

0 comments
Advertisement