Advertisement

မင်္ဂလာဆောင်မယ့် စုံတွဲလေးတို့ရေ မင်္ဂလာမဆောင်ခင် ဖိတ်စာရိုက်တော့မယ်ဆိုရင် အဆင့်ဆင့် စဉ်းစားရမယ့် အချက်တွေကို ဖော်ပြပေးလိုက်ပါတယ်။ ဖိတ်စာမရိုက်ခင် သိထားပေးနော်။

စုံတွဲလေးတို့ မင်္ဂလာဆောင်ပွဲလေး ကျင်းပဖို့အတွက် မင်္ဂလာဝတ်စုံ၊ Pre wedding ၊ ပန်းအပြင်အဆင် စတာတွေ စီစဉ်ပြီးပြီဆိုရင်တော့ မင်္ဂလာဆောင် ဖိတ်စာနဲ့ ပတ်သက်ပြီး စီစဉ်ရတော့မှာပါ။ မင်္ဂလာဆောင်ဖိတ်စာဆိုတာက တစ်ခုခု လွဲချော်သွားရင် ဧည့်သည်တွေဆီ ဝေပြီးမှဆို ပြန်ပြင်ရ မလွယ်တော့ဘူးလေ။ အဲဒီတော့ ဖိတ်စာမရိုက်ခင်၊ မဝေခင်ကတည်းက သတိထားရမှာတွေ ရှိပါတယ်။ ဘယ်အချက်လေးတွေ သတိထားရမလဲဆိုတာ ပြောပြမယ်နော်။

မင်္ဂလာဆောင်ဖိတ်စာ

ဖိတ်စာပုံစံ

စုံတွဲလေးတို့ အရင်ဆုံး ဖိတ်စာပုံစံကို ရွေးချယ်ပါ။ ဖိတ်စာတွေက အမျိုးအစား ကွဲသလို ဈေးနှုန်းတွေလည်း ကွာပါတယ်။ Handmade လား၊ ရိုးရိုးလား၊ ဘယ်လိုစာရွက်အသားကို သုံးမှာလဲ၊ အရောင်ကရော ဘယ်အရောင်သုံးမလဲ စတဲ့ ဖိတ်စာပုံစံကို အရင်ရွေးပါ။ အဲဒါကတော့ မင်္ဂလာပွဲ မတိုင်ခင် (၅) လလောက် အလိုကတည်းက ကြိုရှာထားသင့်ပါတယ်နော်။

ဖိတ်စာပုံစံ (photo: afghanweddingcards.com)

အကြမ်းအရင်ရေးပါ

စုံတွဲလေးတို့ မင်္ဂလာဆောင် ဖိတ်စာမရိုက်ခင်ကတည်းက မင်္ဂလာဆောင်ဖိတ်စာမှာ ပါမယ့် အကြောင်းအရာတွေကို အကြမ်းအရင်ရေးပါ။ စုံတွဲလေးတို့ အကြမ်းထဲမှာ နေ့ရက်၊ အချိန်၊ မင်္ဂလာဆောင်မယ့်နေရာ သေချာရေးပါ။ နောက်ပြီး နှစ်ဖက်မိဘ၊ ဆွေမျိုးတွေနဲ့ ညီအစ်ကို မောင်နှမတွေ ထည့်မယ်ဆိုရင်လည်း နာမည်နဲ့ ရာထူး၊ အခေါ်အဝေါ် အထားအသိုတွေ မှန်အောင်ပါ တစ်ခါတည်း စီစဉ်ရွေးချယ်ပါ။ အဲဒါဆိုရင် မမှားနိုင်ပါဘူးနော်။ အကြမ်းအရင်ရေးပြီး တစ်ခြားသူတွေကိုလည်း ဖတ်ခိုင်းပါ။ ဒါမှ မှားနေလား သိနိုင်မှာပါ။

အကြမ်းအရင်ရေးပါ (photo: afghanweddingcards.com)

ဖိတ်စာအပ်တော့မယ်ဆိုရင်

စုံတွဲလေးတို့ ဖိတ်စာအပ်တော့မယ်ဆိုရင် သတိထားရမယ့် အချက်ကတော့ အချိန်ပါ။ ဖိတ်စာမရိုက်ခင်ကတည်းက ကိုယ်အပ်မယ့် ဖိတ်စာဆိုင်ရဲ့ အရည်အသွေးကိုလည်း ကြည့်ပါ။ ဖိတ်စာအပ်တော့မယ်ဆိုရင် ဆိုင်က မင်္ဂလာပွဲ မတိုင်ခင် အစောဆုံး ဘယ်လောက် အပြီးအစီး လုပ်ပေးနိုင်မလဲဆိုတာပါ မေးပါ။ မင်္ဂလာပွဲရက် မတိုင်မီ (၁) လလောက် အလိုမှာ ကိုယ့်လက်ထဲ ရောက်အောင် အပ်နိုင်မယ့် ဆိုင်မျိုးကို ရွေးချယ်ပါ။ ဖိတ်စာအပ်မယ်ဆိုရင် အရင်ဆုံး တစ်စောင် ရိုက်ခိုင်းပါ။ အဲဒီ အစောင်ကို အရင်ဆုံး ကြည့်ပါ။ တခြားသူတွေနဲ့အတူ စာလုံးပေါင်းက အစ ပြန်လည် စစ်ပါ။ အားလုံး အဆင်ပြေတယ်၊ မှန်ကန်တယ်ဆိုမှသာ ဖိတ်စာ ရိုက်ပါ။

မင်္ဂလာဆောင်မယ့် စုံတွဲလေးတို့ရေ မင်္ဂလာမဆောင်ခင် ဖိတ်စာရိုက်တော့မယ်ဆိုရင် အဆင့်ဆင့် စဉ်းစားရမယ့် အချက်တွေကို ဖော်ပြပေးလိုက်ပါတယ်။ ဖိတ်စာမရိုက်ခင် သိထားပေးနော်။

Comments

0 comments