ႏွစ္ေယာက္စလံုး လက္ထပ္ပြဲမတိုင္ခင္ စဥ္းစားရမယ့္ အခ်က္ေတြ

by: Phyo Pyae Thu
 0 comments  0 love

ဘာအားနည္းခ်က္ေတြ ရွိလဲဆိုတာ သိထားဖုိ႔ လိုပါတယ္။ လက္တြဲေဖာ္အျဖစ္ ေရြးခ်ယ္တဲ့အခါ အားနည္းခ်က္ေတြကို နားလည္ေပးႏုိင္မွ ရပါမယ္

ခ်စ္သူစံုတြဲေလးတို႔ေရ ႏွစ္ေယာက္တစ္ဘဝ တည္ေဆာက္ေတာ့မယ္လို႔ စိတ္ကူးေနၿပီလား။ ႏွစ္ဖက္မိဘေတြကို အသိမေပးခင္၊ လက္ထပ္ခြင့္ မေတာင္းခင္မွာ လက္ထပ္ေတာ့မယ့္ အေၾကာင္းအရာနဲ႔ ပတ္သက္ၿပီး စဥ္းစားရမယ့္ အခ်က္ေတြ အမ်ားႀကီး ရွိပါတယ္။ တစ္ဘဝလံုး လက္တြဲရမယ့္သူကို ေရြးခ်ယ္တဲ့အခါ ဘယ္အခ်က္ေတြကို အဓိက ထားၿပီး စဥ္းစားရမလဲဆိုတာ ေျပာျပေပးလိုက္ပါတယ္။

လက္ထပ္ပြဲမတိုင္ခင္ စဥ္းစားရမယ့္ အခ်က္ေတြ (photo: ru.123rf.com/)

အားနည္းခ်က္

ကိုယ့္လက္တြဲေဖာ္အျဖစ္ ေရြးခ်ယ္မယ့္သူက ဘာအားနည္းခ်က္ေတြ ရွိလဲဆိုတာ သိထားဖုိ႔ လိုပါတယ္။ လက္တြဲေဖာ္အျဖစ္ ေရြးခ်ယ္တဲ့အခါ အားနည္းခ်က္ေတြကို နားလည္ေပးႏုိင္မွ ရပါမယ္။ သူ႔ရဲ႕ Dark side က ဘာေတြလဲဆိုိတာ သိထားၿပီး အဲဒီအခ်က္ေတြကို တစ္သက္လံုး နားလည္သည္းခံေပးႏုိင္လားဆိုတာ ေသခ်ာေတြးပါ။

မိသားစုအသိုင္းအဝိုင္း

လက္မထပ္ခင္မွာ မိသားစုအသိုင္းအဝိုင္းကိုလည္း ထည့္စဥ္းစားဖု႔ိ လုိပါတယ္။ ႏွစ္ဖက္မိဘ ေပါင္းစပ္ရမွာလည္း ျဖစ္တဲ့အတြက္ ကိုယ့္မိသားစုနဲ႔ အဆင္ေျပႏိုင္လားဆိုတာလည္း ထည့္ေတြးပါ။ မေျပရင္ေရာ ဘယ္လုိေျဖရွင္းမလဲဆိုတာ ႀကိဳတင္ေတြးပါ။ သူ႔ရဲ႕ မိသားစုအသိုင္းအဝိုင္းကေရာ ကိုယ္လက္ခံႏိုင္လား စဥ္းစားပါ။

လက္ထပ္ပြဲအေၾကာင္း (photo: ru.123rf.com/)

အတိတ္နဲ႔ ပတ္သက္တဲ့ အေၾကာင္းအရာ

ကိုယ္လက္တြဲမယ့္သူရဲ႕ အတိတ္က အေၾကာင္းအရာေတြနဲ႔ ပတ္သက္ၿပီးေတာ့လည္း စိတ္ထဲမွာ ရွင္းလင္းေနဖုိ႔ လိုပါတယ္။ ကိုယ္နဲ႔ လက္မထပ္ခင္မွာ ျဖစ္ခဲ့တဲ့ အတိတ္က အေၾကာင္းအရာေတြကိုေရာ နားလည္ေပးႏိုင္လား၊ လက္ထပ္ၿပီးမွ စိတ္ထဲခုေနတာမ်ိဳး မျဖစ္ရေလေအာင္ေပါ့။ ဒီအခ်က္ေတြကို ထည့္စဥ္းစားပါ။

မိသားစုအသိုင္းအဝိုင္း (photo: ru.123rf.com/)

လက္ထပ္ပြဲအေၾကာင္း

စံုတြဲေလးတို႔ လက္ထပ္ေတာ့မယ္လို႔ ေတြးလိုက္ၿပီဆိုတာနဲ႔ မဂၤလာပြဲကိုလည္း ထည့္သြင္းစဥ္းစားပါ။ မဂၤလာပြဲအတြက္ ကုန္က်စရိတ္၊ ပြဲက်င္းပမယ့္ အစီအစဥ္ေတြကိုပါ တစ္ခါတည္း စိတ္ကူးနဲ႔ ေတြးထားဖို႔ လိုပါတယ္။ ကိုယ့္လက္တြဲေဖာ္ကေရာ မဂၤလာပြဲနဲ႔ ပတ္သက္ၿပီး ဘာေတြစဥ္းစားထားလဲဆိုတာ ေမးပါ။ လက္မထပ္ခင္မွာ လက္ထပ္ပြဲအေၾကာင္း စဥ္းစားပါ။

လက္ထပ္ၿပီးေနာက္

လက္ထပ္ၿပီးေနာက္ ႀကံဳေတြ႔ရမွာေတြကေတာ့ မျဖစ္မေန ထည့္စဥ္းစားရမယ့္အခ်က္ေတြပါပဲ။ ျပန္လည္ျပဳျပင္လုိ႔မရတဲ့ အရာမို႔ ေသခ်ာေတြးထားဖို႔ လိုပါတယ္။ ေငြေၾကးဆိုင္ရာ၊ အလုပ္အကိုင္၊ ကေလးဘယ္ႏွစ္ေယာက္ ယူမယ္၊ လက္ထပ္ၿပီးေနာက္ ဘယ္မွာေနမယ္ အစရွိတာေတြလည္း စဥ္းစားထားရမွာပါ။ ဒီအခ်က္ေတြ ျပည့္ျပည့္စံုစံု ေတြးၿပီးမွသာ လက္ထပ္ဖုိ႔ စဥ္းစားပါ။

စံုတြဲေလးတို႔ေရ လက္မထပ္ခင္မွာ စဥ္းစားရမယ့္ အခ်က္ေတြေနာ္။

 

စိတ်ကူးထဲက မင်္ဂလာပွဲလေးဖြစ်မြောက်ဖို့ သတို့သား သတို့သမီးလောင်းတို့ ကိုယ်တိုင်အပင်ပန်းခံ စီစဉ်စရာလုံးဝမလိုအောင် Marry Wedding Planner ရဲ့ပြီးပြည့်စုံလွန်းတဲ့ Wedding Package (၃) မျိုး နဲ့ မိတ်ဆက်ပေးလိုက်ပါပြီ။ ဒါကြောင့် အခုပဲ Marry ရဲ့ဖုန်း : 09 694 496 926 ကိုဆက်သွယ်ပြီး အကောင်းဆုံး Wedding Package တွေကို ရယူလိုက်တော့နော်။
From Marry with


Comments

0 comments
Latest video
Refer to more useful articles
Community
Latest wedding promotions
Keywords