အဆံုးသတ္လိုက္ရေတာ့မယ့္ အခ်စ္ေရး ျဖစ္ေနၿပီလား

by: Phyo Pyae Thu
 0 comments  3 love

သေဘာထားခ်င္း မတိုက္ဆိုင္တာက တစ္ခါတေလ မဟုတ္ဘဲ ကိစၥတုိင္း နီးပါးဆိုရင္ေတာ့ ဘယ္လိုနည္းနဲ႔မွ ေရွ႕ဆက္ဖုိ႔ မျဖစ္ႏိုင္ပါဘူး။

စံုတြဲေလးတို႔ အခ်စ္ေရးမွာ အဖုအထစ္ေတြ မ်ားေနၿပီး ေရွ႕မဆက္ခ်င္ေတာ့ဘူးလို႔ အခိုက္အတန္႔ေတြ ရွိေနၿပီလား။ အခ်စ္ေရးနဲ႔ ပတ္သက္ၿပီး ေပ်ာ္စရာ မေကာင္းေတာ့ဘူးလို႔ ေတြးမိေနၿပီဆိုရင္ေတာ့ ႏွစ္ေယာက္စလံုး အခ်စ္ေရးနဲ႔ ပတ္သက္ၿပီး ျပန္ဆန္းစစ္ဖုိ႔ လိုေနပါၿပီ။ အဆံုးသတ္ဖုိ႔ လိုအပ္ေနၿပီလားဆိုတာ သိႏိုင္မယ့္ အေၾကာင္းေလးေတြ ေျပာျပေပးမယ္ေနာ္။

အဆံုးသတ္လိုက္ရေတာ့မယ့္ အခ်စ္ေရး (photo: goodtherapy.org)

စကားမေျပာခ်င္ေတာ့ဘူး

တစ္ေယာက္နဲ႔ တစ္ေယာက္ စကားမေျပာခ်င္တာမ်ိဳး ရွိေနၿပီဆိုရင္ေတာ့ အခ်စ္ေရးက ျပန္စဥ္းစားဖုိ႔ လိုေနပါၿပီ။ ရန္ျဖစ္ စိတ္ဆိုး စကားမ်ားလို႔ မေျပာခ်င္ၾကတာမ်ိဳး မဟုတ္ဘဲ ခ်စ္သူနဲ႔ စကားေျပာရမွာကို မသိစိတ္က မႀကိဳက္ေတာ့တာ၊ စကားေျပာရမွာကို စိတ္ကုန္ၿပီး ေၾကာက္လာၿပီဆိုရင္ေတာ့ အဆံုးသတ္ဖို႔ နီးစပ္လာပါၿပီ။ ျပန္လည္ ဆန္းစစ္သင့္ပါၿပီေနာ္။

ကိုယ့္ကို စိတ္မဝင္စားဘူး

ကိုယ့္ခ်စ္သူက ကိုယ့္ကို စိတ္ဝင္စားေနေသးလားဆိုတာ ကိုယ္တိုင္သာ အသိဆံုးပါ။ အလုပ္ေတြရွဳပ္ေနလို႔ ခဏေလာက္ ကိုယ့္ကို ဂရုမစိုက္တာမ်ိဳး မဟုတ္ဘဲ ကိုယ္ဘာေျပာေျပာ စိတ္ဝင္စားဟန္ မျပဘူး။ ဘာလုပ္လုပ္ စိတ္မဝင္စားဘူး။ အရင္လို ဂရုမစိုက္ေတာ့တဲ့ အခ်ိန္ကာလေတြ ၾကာလာတယ္ဆိုရင္ေတာ့ ကိုယ့္အေပၚမွာ စိတ္မဝင္စားေတာ့ဘူးလား ေသခ်ာေအာင္ ေမးပါ။ အကယ္လို႔ စိတ္မဝင္စားေတာ့တာ ေသခ်ာရင္ အျမန္အဆံုးသတ္လိုက္တာ နာက်င္စရာ ပိုနည္းပါတယ္။

သေဘာထား မတို္က္ခ်င္ေတာ့တာ (photo: goodtherapy.org)

သေဘာထား မတို္က္ခ်င္ေတာ့တာ

စံုတြဲေလးတို႔ရဲ႕ အခ်စ္ေရးမွာ အရင္က ဘယ္ေလာက္ပဲ သေဘာထားေတြ တူခဲ့တူခဲ့ ႏွစ္ေတြၾကာလာတဲ့အခါ သေဘာထား မတိုက္ဆိုင္တာေတြ အရမ္းမ်ားလာၿပီဆိုရင္ေတာ့ ေရွ႕ဆက္ဖုိ႔ကို အေတာ္ေလး ျပန္စဥ္းစားရေတာ့မွာပါ။ သေဘာထားခ်င္း မတိုက္ဆိုင္တာက တစ္ခါတေလ မဟုတ္ဘဲ ကိစၥတုိင္း နီးပါးဆိုရင္ေတာ့ ဘယ္လိုနည္းနဲ႔မွ ေရွ႕ဆက္ဖုိ႔ မျဖစ္ႏိုင္ပါဘူး။

အေျဖမထြက္တဲ့ ျပႆနာေတြ (photo: goodtherapy.org)

အေျဖမထြက္တဲ့ ျပႆနာေတြ

အေျဖမထြက္တဲ့ ျပႆနာေတြဆိုတာက သဝန္တိုလြန္းတာ၊ ရစ္လြန္းတာ၊ သံသယထားၿပီး ယံုၾကည္မႈ ကင္းမဲ့ေနတာမ်ိဳးပါ။ ကိစၥေတြ တစ္ခုၿပီးတစ္ခု ျဖစ္လိုက္တိုင္း သံသယေတြ ထားေနတာ၊ စိတ္ေက်နပ္ေလာက္တဲ့ အေျဖေတြမရဘဲ အေလ်ာ့ေပးလိုက္ရတာေတြက စိတ္ကုန္စရာေတြ ျဖစ္လာတတ္ပါတယ္။ အဲဒီလိုေတြ ဆက္တိုက္ျဖစ္ေနၿပီဆိုရင္ အဆံုးသတ္ဖုိ႔ နီးကပ္လာတဲ့ အခ်စ္ေရး ျဖစ္လာပါၿပီ။ စိတ္မခ်မ္းသာရတဲ့ အခ်စ္ေရး ျဖစ္ေနၿပီဆိုရင္ေတာ့ လမ္းခြဲလိုက္တာ အေကာင္းဆံုးနည္းလမ္းပါ။

စံုတြဲေလးတို႔ၾကားမွာ အခ်စ္ေရး အဆံုးသတ္ရေတ့ာမလား ေတြးေနရင္ေတ့ာ ဒါေလးေတြ သိထားသင့္တယ္ေနာ္။

စိတ်ကူးထဲက မင်္ဂလာပွဲလေးဖြစ်မြောက်ဖို့ သတို့သား သတို့သမီးလောင်းတို့ ကိုယ်တိုင်အပင်ပန်းခံ စီစဉ်စရာလုံးဝမလိုအောင် Marry Wedding Planner ရဲ့ပြီးပြည့်စုံလွန်းတဲ့ Wedding Package (၃) မျိုး နဲ့ မိတ်ဆက်ပေးလိုက်ပါပြီ။ ဒါကြောင့် အခုပဲ Marry ရဲ့ဖုန်း : 09 694 496 926 ကိုဆက်သွယ်ပြီး အကောင်းဆုံး Wedding Package တွေကို ရယူလိုက်တော့နော်။
From Marry with


Comments

0 comments
Latest video
Refer to more useful articles
Community
Latest wedding promotions
Keywords