Advertisement

လင်မယား နှစ်ယောက်ဟာ ရဲဘော်ရဲဘက်အဖြစ် လက်တွဲသွားရမယ့် သူတွေပါ။ ပြိုင်ဘက်တွေ မဟုတ်တဲ့အတွက် အလုပ်၊ ဝင်ငွေ၊ ရာထူး အစရှိတာတွေမှာ ပြိုင်ဆိုင်ဖို့ မကြိုးစားပါနဲ့

ရည်းစားတုန်းကထက် ပိုချစ်တဲ့ လင်မယားတွေ ဖြစ်ဖို့ (Photo – Hellomuse)

အိမ်ထောင်ပြုတော့မယ့် စုံတွဲတွေ အနေနဲ့  အိမ်ထောင်ပြုခါနီး စဉ်းစားမိတဲ့ အတွေးက လက်ထပ်ပြီးသွားတဲ့အခါ အချစ်တွေ ရှိနေဦးမှာလား တစ်ယောက်အပေါ် တစ်ယောက် ရိုးသွားကြမှာလား ဆိုတဲ့ စိုးရိမ်အတွေးလေးတွေ ရှိကြပါတယ်။ လက်တွေ့ အိမ်ထောင်ကျပြီးသွားတဲ့ စုံတွဲတွေမှာလည်း တစ်ချို့တွေက အချစ်တွေ ပြယ်သွားကြသလို တစ်ချို့တွေကလည်း အိမ်ထောင်ကျလာပြီး နောက်မှာမှ တစ်ယောက် အပေါ်တစ်ယောက် သမီးရည်းစား ဘဝတုန်းကထက်တောင် ပိုပြီး ချစ်လာကြတာ ရှိပါတယ်။

အိမ်ထောင်ကျပြီးနောက်မှာ ပိုချစ်လာကြတယ် ဆိုတဲ့ စုံတွဲတွေမှာတော့

အိမ်ထောင်သည်တွေ သိကိုသိထားရမယ့် လျှို့ဝှက်ချက် လေးတွေရှိပါတယ်။ Marry ရဲ့ စုံတွဲလေးတွေကိုလည်း အိမ်ထောင်ကျပြီးတဲ့အခါ တစ်ယောက်ကို တစ်ယောက်ပိုပိုချစ်လာလို့ အားကျစရာကောင်းတဲ့ စုံတွဲလေးဖြစ်ရအောင် လျှို့ဝှက်ချက်လေးတွေ အကြောင်း ပြောပြပေးချင်ပါတယ်။

အိမ်ထောင်ကျပြီးတဲ့အခါ တစ်ယောက်ကို တစ်ယောက်ပိုပိုချစ်လာလို့ အားကျစရာကောင်းတဲ့ စုံတွဲလေးဖြစ်ရအောင်  (Photo – aliexpress.com)

  • များများရယ်ပါ။ နှစ်ယောက်တွေ့ချိန်တွေမှာ ရယ်စရာကောင်းတဲ့ ကိစ္စတွေ၊ ပျော်စရာ အဖြစ်အပျက်တွေ အကြောင်း ပြောပြပြီး များများရယ်ပေးဖို့ လိုပါတယ်။
  • အမှန်တိုင်းပြောပါ။ လင်မယားနှစ်ယောက်အကြား ပြောဆိုဆွေးနွေးသမျှ အကြောင်းအရာတွေ အားလုံး အမှန်တရားအပေါ်မှာသာ အခြေခံပါစေ။
  • ကိုယ့်အိမ်ထောက်ဘက်ရဲ့ အကောင်းမွန်ဆုံး အရာတွေကိုပဲ မြင်တတ်ကြည့်တတ်ပါစေ
  • မပြိုင်ဆိုင်ပါနဲ့ ။ လင်မယား နှစ်ယောက်ဟာ ရဲဘော်ရဲဘက်အဖြစ် လက်တွဲသွားရမယ့် သူတွေပါ။ ပြိုင်ဘက်တွေ မဟုတ်တဲ့အတွက် အလုပ်၊ ဝင်ငွေ၊ ရာထူး အစရှိတာတွေမှာ ပြိုင်ဆိုင်ဖို့ မကြိုးစားပါနဲ့။
  • တစ်ဦးရဲ့ အောင်မြင်မှုကို တစ်ဦးက ဂုဏ်ယူတတ်ပါစေ။ ကိုယ့်အိမ်ထောင်ဖက် ကြုံတွေ့ခဲ့ရတဲ့ ကောင်းမွန်တဲ့ ကိစ္စတိုင်း အောင်မြင်မှုတိုင်း အတွက် ကိုယ်ကပါ လှိုက်လှိုက်လှဲလှဲ ဂုဏ်ယူတတ်ဖို့နဲ့ ချီးကျူးစကား ပြောကြားပေးဖို့ လိုပါတယ်။

တစ်ဦးရဲ့ အောင်မြင်မှုကို တစ်ဦးက ဂုဏ်ယူတတ်ပါစေ (Photo – jediprincess.wordpress.com)

Marry အခုပြောပြသွားတဲ့ အချက်ငါးချက်ကို အိမ်ထောင်ကျပြီး စုံတွဲလေးတွေက လိုက်နာပေးမယ်ဆိုရင် အိမ်ထောင်ရေးမှာ ချစ်ခြင်းမေတ္တာတွေအပြင် တစ်ဦးအပေါ် တစ်ဦး နားလည်မှု၊ ယုံကြည်မှုတွေ ပိုတိုးလာပြီး တစ်ယောက်ကို တစ်ယောက် ပိုချစ်လာမှာ အသေအချာပါပဲနော်။

Comments

0 comments