သတို့သမီးလေးတို့ မင်္ဂလာဝတ်စုံအသစ်ချုပ်အငှား ရွေးချယ်မယ်ဆိုရင်

by: Phyo Pyae Thu
 0 comments  0 love

အသစ်စက်စက်လည်း ဝတ်ချင်တယ်၊ ဝတ်စုံကိုလည်း သိမ်းထားဖို့ အဆင်မပြေဘူး၊ ကုန်ကျစရိတ်လည်း အရမ်းမများချင်ဘူးဆိုရင်တော့ အသစ်ချုပ်အငှား ရွေးချယ်လို့ ရပါတယ်။

သတို့သမီးလေးတို့ မင်္ဂလာဝတ်စုံ ရွေးချယ်တဲ့အခါမှာ အရောင်၊ ဒီဇိုင်းတွေ ရွေးချယ်ကြသလို နောက်ထပ် ရွေးချယ်ကြတဲ့အချက်ကတော့ ငှားမလား၊ အသစ်ချုပ်အငှားနဲ့ အပိုင်ချုပ်ဆိုပြီးတော့ပါ။ သတို့သမီးလေးတို့ အသစ်စက်စက်လည်း ဝတ်ချင်တယ်၊ ဝတ်စုံကိုလည်း သိမ်းထားဖို့ အဆင်မပြေဘူး၊ ကုန်ကျစရိတ်လည်း အရမ်းမများချင်ဘူးဆိုရင်တော့ အသစ်ချုပ်အငှား ရွေးချယ်လို့ ရပါတယ်။ ဒါပေမယ့် အသစ်ချုပ်အငှား ချုပ်မယ်ဆိုရင် သတိထားရမယ့် အချက်လေးတွေတော့ ရှိပါတယ်။

Review များများ ဖတ်ပါ (photo: Hitcheed)

(၁) Review များများ ဖတ်ပါ

မင်္ဂလာဝတ်စုံရွေးချယ်တဲ့အခါမှာ ကိုယ်ရွေးချယ်မယ့် ဝတ်စုံဆိုင်အကြောင်းကို သိအောင် Review များများဖတ်ပေးဖို့ လိုပါတယ်။ ဒါမှ ကိုယ်တသက်မှာ တစ်ခါသာ ဝတ်ရတဲ့ မင်္ဂလာဝတ်စုံကြောင့် စိတ်မညစ်ရမှာလေနော်။ ဆိုင်မှာ အထည်ရေ များလား၊ လှရဲ့လား၊ ကိုယ်ကြိုက်တဲ့ ဒီဇိုင်းတွေရော ရှိလား၊ အချိန်တိကျလား ဒါမျိုးလေးတွေ သေချာ ကြည့်ပြီး ရွေးချယ်ရမှာပါ။

(၂) ဒီဇိုင်နာ

သတို့သမီးလောင်းလေးတို့ ဒီဇိုင်နာ ရွေးချယ်တဲ့အခါမှာ သေချာလေး ဂရုပြုရပါမယ်။ ဒီဇိုင်နာက အချိန်မီ ချုပ်ပေးမှသာ သတို့သမီးလေးတို့ စိတ်အေးရမှာမလားနော်။ မင်္ဂလာပွဲရက်က နီးနေပြီ ဝတ်စုံလက်ထဲမရောက်သေးလို့ စိတ်ပူရတဲ့ သတို့သမီးလေးတွေ ရှိပါတယ်။ ဒါကြောင့် ဒီဇိုင်နာဆီမှာ အထည်အပ်ပြီဆိုရင် ပွဲရက်ထက် တပတ်လောက်စောရမှ ဖြစ်မယ်လို့ ကြိုပြောထားပါ။ ဒါမှမဟုတ်လည်း သတို့သမီးလေးတို့ မင်္ဂလာရက်ထက် တပတ်လောက်စောပြီး ရက်ရွေ့ပြီးပြောထားပေါ့နော်။ ဝတ်စုံလှလှလေး စောရဖို့ အဓိကမလားနော်။

ဒီဇိုင်နာနဲ့ သေချာတွေ့ဆုံပါ (photo: Shutterstock)

(၃) ဒီဇိုင်းအပ်ပြီဆိုရင်

သတို့သမီးလေးတို့ရေ ဒီဇိုင်းအပ်တဲ့အခါမှာ ဒီဇိုင်နာနဲ့ တွေ့ဖြစ်အောင် တွေ့ပါ။ အသစ်ချုပ်အငှားဖြစ်တဲ့အတွက် ပထမဆုံး ဝတ်ရမှာက ကိုယ်ဖြစ်ဖို့ အဓိကထားပြီး ပြောပါနော်။ ဒီဇိုင်း၊ အရောင်ကိုရော သေချာလေး ရွေးချယ်ပါ။ ဘယ်နေ့လောက်မှာ ဝတ်စုံ fitting ချလို့ ရမလဲဆိုတာ သေချာမေးပါ။ သတို့သားအတွက်လည်း မေးဖို့ လိုပါတယ်။ သတို့သမီးဝတ်စုံကို အာရုံစိုက်ရတာများပြီး သတို့သားဝတ်စုံကို မေ့တာမျိုး ဖြစ်လို့ မရပါဘူးနော်။ သတို့သားဝတ်စုံမှာလည်း တောင်ရှည်အဆင်မပြေတာ၊ တိုက်ပုံကို ဒီဇိုင်နာ ချုပ်ထားပေးတာမဟုတ်ဘဲ Ready made ပုံစံဖြစ်တာမျိုး ရှိတတ်တာကြောင့်ပါ။

 နောက်ထပ် သတိထားရမယ့် အချက်တစ်ချက်ကတော့

အသစ်ချုပ်အငှားဖြစ်တာကြောင့် ဒီဇိုင်နာက ပြန်ငှားတာမျိုး လုပ်မှာပါ။ သတို့သမီးလေးတို့ ဆိုင်မှာဝတ်စုံကို အကြာကြီး ထားမယ်ဆိုရင် ဒီဇိုင်နာက တခြားသူကို မငှားသေးဘဲ စောင့်ပေးရတဲ့အချိန်အတွက် ကုန်ကျစရိတ်ထပ်ပြီး တောင်းခံတာမျိုး ရှိတတ်ပါတယ်။ ဒါကြောင့် သတို့သမီးလေးတို့ ဝတ်စုံပြန်ယူမယ့်ရက်၊ ငွေအပြီးချေမယ့် ရက်ကို သေချာလေး ဆွေးနွေးပြောဆိုဖို့ လိုပါတယ်နော်။ ဒါမှ သတို့သမီးလေးတို့ ဝတ်စုံ အဆင်ပြေမှာပါ။

သတို့သမီးလောင်းလေးတို့ရေ မင်္ဂလာဝတ်စုံကို ဒီဇိုင်နာဆီမှာ အပ်မယ်ဆိုရင် ဒီဇိုင်နာနဲ့တွေ့ဆုံပြီး သေချာလေး ဆွေးနွေးတိုင်ပင်ပါနော်။

From Marry with


Comments

0 comments
Latest video
Community
Latest wedding promotions
Keywords