သတို႔သမီးေလာင္းေတြအတြက္ ျမန္မာဆန္ဆန္ ဆင္ယင္ထံုးဖြဲ႔ပံုေလးေတြ

by: Khin Nyein Lwin
 0 comments  1 love

ျမန္မာဝတ္စံုေတြကို အရင္ေခတ္ကပံုစံေတြ နမူနာယူၿပီး မဂၤလာဝတ္စံုေတြကို ဆန္းသစ္တဲ့ပံုစံေတြနဲ႔ ခ်ဳပ္လာၾကတာေတြ႕ရပါတယ္

ဖက္ရွင္ကအျမဲ တစ္ပတ္လည္ေလ့ရွိတယ္ ဆိုတ့ဲအတိုင္း အခုဆို အရင္ေခတ္က ျမန္မာဝတ္စံု ပံုစံေတြကို ထပ္ၿပီးဆန္းသစ္ကာ ဝတ္ဆင္လာၾကတာကို ေတြ႕ရတယ္ေနာ္။ မဂၤလာေဆာင္တဲ့ အခါ ျမန္မာဆန္ဆန္ ထိုင္မသိမ္းေတြ ဝတ္ဆင္လာၾကတာေတြ႕ရမွာပါ။ ဒီဇိုင္နာမ်ားကလည္း ျမန္မာဝတ္စံုေတြကို အရင္ေခတ္ကပံုစံေတြ နမူနာယူၿပီး မဂၤလာဝတ္စံုေတြကို ဆန္းသစ္တဲ့ပံုစံေတြနဲ႔ ခ်ဳပ္လာၾကတာေတြ႕ရပါတယ္။ ဒါေၾကာင့္မို႔ Marry က သတို႔သမီးေလာင္းေတြအတြက္ ျမန္မာဆန္ဆန္ ဆင္ယင္ထံုးဖြဲ႔ပံုေလးေတြ၊ ထုိင္မသိမ္း မဂၤလာ ဝတ္စံုေလးေတြ အေၾကာင္းေျပာျပခ်င္ပါတယ္။

 ဒီဇိုင္နာမ်ိဳးမင္းစိုးရဲ႕ ပူရွိန္းေရာင္ ထိုင္မသိမ္း

ဒီအေရာင္ေလးက မဂၤလာပြဲေတြေတာ္ေတာ္မ်ားမ်ား ဝတ္္ေလ့ဝတ္ထရွိတဲ့ အေရာင္မ်ိိဳးမဟုတ္ဘူးေလ။ ဒါေပမယ့္ ဒီအေရာင္ေလးကို ေအာက္ခံထားၿပီး မိတ္ကပ္ေရာင္ ခ်ိတ္လိုင္းေတြနဲ႔ တြဲဖက္ဖန္တီးထားတာ ေတြ႕ရမွာပါ။ ဒါေၾကာင့္မို႔ ပူရွိန္းေရာင္ လင္းေနတာကို မိတ္ကပ္ေရာင္ေလးနဲ႔ ထိန္းထားၿပီး ဝတ္စံုရဲ႕ ထည္ဝါမႈကို ထိန္းသိမ္းထားတဲ့ ဒီဇိုင္နာ မ်ိဳးမင္းစိုးရဲ႕လက္ရာကို ေတြ႕ရပါတယ္။ သတို႔သမီးရဲ႕ ဆံပင္ေလးကိုေတာ့ တစ္ပတ္လွ်ိဳဆံထံုးေလး ျပင္ဆင္ေပးထားတာေတြ႕ရပါတယ္။ ပူရွိန္းေရာင္ထိုင္မသိမ္းေလးနဲ႔ လိုက္ေအာင္ နီလာေက်ာက္ကိုလည္း နားဆြဲ၊ဘယက္နဲ႔ လက္စြပ္မွာ ဆင္ျမန္းထားတာကိုေတြ႕ရပါတယ္။ ဒါ့ေၾကာင့္ ပူရွိန္းေရာင္ေတာက္ေတာက္ေလးကိုမွ ၾကိဳက္ႏွစ္သက္သူေတြအတြက္ မိတ္ကပ္ေရာင္ေလးနဲ႔ တြဲၿပီးဝတ္ဆင္ဖို႔အတြက္ ေဖာ္ျပေပးလိုက္ပါတယ္။

 ဒီဇိုင္နာ ျပည္စိုးေအာင္ရဲ႕ လက္ရာေလး

အျဖဴခံေပၚမွာ ေငြေရာင္ခ်ိတ္လိုင္းေတြနဲ႔ ဖန္္တီိးျပဳလုပ္ထားတဲ့ အတြက္ အျဖဴေရာင္ကို ခ်စ္ျမတ္ႏိုးတဲ့ သတုိ႔သမီးေလးေတြအတြက္ေတာ့ အေကာင္းဆံုးပါေနာ္။ ဆံထံုးမွာေတာ့ ထိုင္မသိမ္းအျဖဴနဲ႔လိုက္ေအာင္ သဇင္ပန္းေတြကို ပန္ေပးထားတာေတြ႕ရပါတယ္။

ဒီဇိုင္နာ ခင္စန္းဝင္းရဲ႕ ေရႊေရာင္သတို႔သမီးဝတ္စံုေလး

ဒီဝတ္စံုေလးကို ေမာ္ဒယ္မယ္လိုဒီက ဝတ္ျပထားပါတယ္။ ေ႐ႊေရာင္ဟာ ေတာင္ဝင္တဲ့ အေရာင္ျဖစ္ၿပီး အသားျဖဴသူေရာ ညိဳတဲ့သူေရာနဲ႔ အကုန္လိုက္ဖက္ပါတယ္။ ၿပီးေတာ့ သတို႔သမီးေလးတစ္ေယာက္အေနနဲ႔ ဒီလိုေရႊေရာင္ထိုင္မသိမ္းဝတ္လိုက္ရင္ သတို႔သမီးေလွ်ာက္လွမ္းေပၚမွာ က်က္သေရအျပည့္နဲ႔ လွပေနေစမွာပါ။ ျမန္မာဆန္ဆန္ေဆာင္ခ်င္သူေလးေတြဖို႔ ေ႐ႊေရာင္ေလးကေတာ့ အေကာင္းဆံုးအေရာင္ေလး တစ္ေရာင္ျဖစ္ၿပီး ေခတ္ေတြေျပာင္းပါေစ ဘယ္ေတာ့မွာ ႐ိုးသြားမွာ မဟုတ္တဲ့ အေရာင္ေလးျဖစ္ပါတယ္ေနာ္။

စိတ်ကူးထဲက မင်္ဂလာပွဲလေးဖြစ်မြောက်ဖို့ သတို့သား သတို့သမီးလောင်းတို့ ကိုယ်တိုင်အပင်ပန်းခံ စီစဉ်စရာလုံးဝမလိုအောင် Marry Wedding Planner ရဲ့ပြီးပြည့်စုံလွန်းတဲ့ Wedding Package (၃) မျိုး နဲ့ မိတ်ဆက်ပေးလိုက်ပါပြီ။ ဒါကြောင့် အခုပဲ Marry ရဲ့ဖုန်း : 09 694 496 926 ကိုဆက်သွယ်ပြီး အကောင်းဆုံး Wedding Package တွေကို ရယူလိုက်တော့နော်။
From Marry with


Comments

0 comments
Latest video
Refer to more useful articles
Community
Latest wedding promotions
Keywords