Advertisement

သောက်တာများတဲ့ ယေက်ျားလေးတွေ အနေနဲ့ မျက်နှာအသားအရေမှာ ချွေးပေါက်တွေ ကျယ်လာပြီး အဆီပြန်ပြန်နဲ့ နီနီ အမ်းအမ်းကြီးတွေ ဖြစ်လာတတ်ပါတယ်

သောက်တတ်တဲ့ ကိုကိုတို့ မင်္ဂလာနေ့မှာ စမတ်ကျနေစေဖို့

ဒီနေ့ခေတ်မှာ မသောက်တတ်တဲ့ ယောက်ျားလေးဆိုတာ ခပ်ရှားရှားရယ်ပါ။ကိုယ်တိုင်က နှစ်နှစ်ခြိုက်ခြိုက် ကြိုက်လွန်းလို့ မဟုတ်ရင်တောင် လူမှုရေးအရ၊ အလုပ်သဘောအရ မလွှဲမရှောင်သာ သောက်ရတဲ့ အခိုက်အတန့်တွေ ရှိပါတယ်။ ဘာပဲ ဖြစ်ဖြစ် သောက်တာ များလာရင်တော့ Alcohol ရဲ့ ဆိုးကျိုးတွေက မျက်နှာပေါ်မှာ ပေါ်လာတော့တာပါပဲ။

Marry ရဲ့ သတို့သားလောင်းလေးတို့ကလည်း သောက်တတ်တယ် ဆိုရင် နောက်ပြီး Alcohol ရဲ့ ရိုက်ခတ် သက်ရောက်မှုတွေ ကလည်း မျက်နှာပေါ်မှာ ပေါ်လွင်နေတယ် ဆိုရင် မင်္ဂလာပွဲနေ့မှာ စမတ်ကျတဲ့ သတို့သားလေး ဖြစ်ဖို့ မလွယ်နိုင်ပါဘူး။ ဒါပေမယ့် Marry ကတော့ သတို့သားလောင်းလေးတို့ကို ဘယ်လောက်ပဲ သောက်ထား သောက်ထား  စမတ်ကျတဲ့ သတို့သားလေးတွေ ဖြစ်စေချင်တာကြောင့် အရက်သောက်ခြင်းကြောင့် ဖြစ်တဲ့ လက္ခဏာရပ်တွေကို ဘယ်လို ကာကွယ်တားဆီးရမလဲ ဆိုတာ ပြောပြချင်ပါတယ်။

သောက်တာ များလာရင်တော့ Alcohol ရဲ့ ဆိုးကျိုးတွေက မျက်နှာပေါ်မှာ ပေါ်လာတော့တာပါပဲ

လုပ်ဆောင်ရမှာတွေ

သောက်တာများတဲ့ ယောက်ျားလေးတွေ အနေနဲ့ မျက်နှာအသားအရေမှာ ချွေးပေါက်တွေ ကျယ်လာပြီး အဆီပြန်ပြန်နဲ့ နီနီ အမ်းအမ်းကြီးတွေ ဖြစ်လာတတ်ပါတယ်။ အထူးသဖြင့် နှာခေါင်းနေရာကတော့ အဆိုးဆုံးပါ။ ဘာ့ကြောင့် အဲ့လို ဖြစ်ရတာလဲဆိုတော့ အရက်ကြောင့် သွေးတိုးပြီး မျက်နှာအရေပြား အောက်မှာ ရှိတဲ့ ပါးလွှာလွန်းတဲ့ ဆံခြည်မျှင်သွေးကြော (Capillaries) လေးတွေ ပေါက်ပြဲ ကုန်တာကြောင့် ဖြစ်ပါတယ်။

သတို့သားတို့အနေနဲ့ အရက်သောက်ခြင်းကြောင့် မျက်နှာ နီမြန်းထူအမ်းတာကို ကာကွယ်နိုင်ဖို့ အတွက် မျက်နှာ အရေပြား အောက်က ဆံခြည်မျှင် သွေးကြောတွေ အလွယ်တကူ မပေါက်ပြဲဘဲ ခိုင်ခံ့အားကောင်းအောင် ပြုပြင်ယူရမှာ ဖြစ်ပါတယ်။ အဲ့လို ခိုင်ခံ့ဖို့ အတွက်ကလည်း Bioflavonoids ဓာတ်တွေ ခန္ဓာကိုယ်ထဲ ဖြည့်တင်းပေးဖို့ လိုအပ်ပါတယ်။ အဲ့ဒိ Bioflavonoids  တွေကတော့ Berries အုပ်စုဝင်တွေ ဖြစ်တဲ့ စတော်ဘယ်ရီသီး၊ Blue Berries သီး၊ Black Berries သီးနဲ့ Raspberries တို့မှာ ပါဝင်နေတာကြောင့်မို့ သတို့သားလေးတို့က များများစားပေးသင့်ပါတယ်။

Berries အုပ်စုဝင် အသီးများ

တခြား ဘယ်ရီတွေက မြန်မာနိုင်ငံမှာ များများ စားစား မရနိုင်ပေမယ့် စတော်ဘယ်ရီကိုတော့ အလွယ်တကူ များများစားစား ဝယ်ယူစားသောက်နိုင်တာကြောင့် အဆင်ပြေပါတယ်။ နောက်ထပ် စားပေးသင့်တာကတော့ ဗီတာမင်စီ အုပ်စုဝင်တွေ ဖြစ်တဲ့ လိမ္မော်သီး၊ ရှောက်သီး၊ သံပရာသီး၊ သံပယိုသီးတို့ ဖြစ်ပါတယ်။ အဲ့ဒါတွေ အကုန်လုံးက အလွယ်တကူ ပေါပေါများများ ရနိုင်တဲ့ အသီးတွေမို့ သောက်တတ်တဲ့ သတို့သားတို့လည်း ခန့်ညား စမတ်ကျနေစေဖို့ Marry  အခုပြောပြတဲ့ အသီးလေးတွေကို များများ စားပေးကြပါလို့ တိုက်တွန်းလိုက်တယ်နော်။

Tags: advicegroomskincarewellness

Comments

0 comments