Advertisement

အသုံးဝင်စေမယ့် နည်းလမ်းကောင်းများဖြစ်တာကြောင့် မင်္ဂလာဆောင်တော့မယ့် ပျိုမေတို့အနေနဲ့လည်း ၀နေတယ်လို့ ခံစားနေရရင် ဒီနည်းလမ်းတွေကို အသုံးပြုကြည့်ပါဦးနော်။

 လေ့ကျင့်ခန်း

HIIT (အပြင်းအထန်လေ့ကျင့်မှု) လို့ခေါ်တဲ့ လေ့ကျင့်နည်းက စွမ်းအင်အားလုံးနီးပါးကို ထုတ်သုံးခြင်းနဲ့ ပင်ပန်းမှုနည်းပါးခြင်း ကာလတွေကို တစ်လှည့်စီ လုပ်ဆောင်ရတာပါ။ ကြိုးခုန်ခြင်း၊ ဖွဖွပြေးခြင်း ဒါမှမဟုတ် စက်ဘီးစီးခြင်းစတဲ့ သာမန်လေ့ကျင့်ခန်းတွေသာ လုပ်ရုံပါပဲ။ ဒါပေမဲ့ HIIT နည်းလမ်းကို တစ်ပတ် ၃ ရက်မှ ၅ ရက်အထိ တစ်ရက် မိနစ် ၂၀ လုပ်ရုံနဲ့ တစ်ကီလိုဂရမ်ကနေ နှစ်ကီလိုဂရမ်ကြား ဝိတ်ကျနိုင်ပါတယ်။ HIIT နည်းလမ်းကို သုံးတဲ့အခါ နှလုံးခုန်နှုန်း ပိုမြန်တဲ့အတွက် စွမ်းအင်စားသုံးမှုကလည်း မြင့်မားပါတယ်။ ယင်းလေ့ကျင့်ခန်းက ခန္ဓာကိုယ်က ပိုနေတဲ့ ကယ်လိုရီတွေကို အလျင်အမြန်ဖယ်ရှားပေးပြီး ကြွက်သားတွေ သန်မာလာစေပါလိမ့်မယ်။

ဂရိတ်ဖရုသီးကို နေ့တိုင်းစားပါ

ဂရိတ်ဖရုသီးက အမျှင်ဓာတ်များပြီး ကယ်လိုရီအရမ်းနည်းတဲ့ အစားအစာတွေထဲက တစ်ခုဖြစ်ပါတယ်။ တစ်နေ့ကို ဂရိတ်ဖရုသီး တစ်ခြမ်းစားရုံနဲ့ လူကြီးတစ်ယောက်ရဲ့ ဗိုက်တာမင်စီ လိုအပ်ချက်ကို ပြည့်မီနိုင်ပါတယ်။ ဗိုက်တာမင်စီဓာတ်က ခန္ဓကိုယ်ကနေ အဆီများစွာကို စုတ်ယူခြင်းမရှိအောင် ကာကွယ်ပေးပါတယ်။ ဒါကြောင့် အစာစားပြီးတိုင်း ဂရိတ်ဖရုသီး ဒါမှမဟုတ် ဂရိတ်ဖရုဖျော်ရည်ကို သုံးဆောင်တာက ဝိတ်ကျဖို့ အကောင်းဆုံး နည်းလမ်းဖြစ်ပါတယ်။

ကစီဓာတ်ပါတာတွေလျှော့ပြီး အမျှင်ဓာတ်ပါတာတွေ ပိုစားပါ

သကြားနဲ့ အခြားကစီဓာတ်ပါတဲ့ အစားအစာတွေဟာ ခန္ဓာကိုယ်ကို စွမ်းအင်အတွက် ဂလူးကို့စ်အစား အဆီတွေကိုသာ သိမ်းဖို့ တွန်းအားပေးပါတယ်။ သိမ်းစည်းထားတဲ့ အဆီတွေကို လောင်စာအဖြစ် ခန္ဓာကိုယ်က သုံးရမှ ဝိတ်ကကျတာပါ။ ဒါကြောင့် ကိတ်တစ်ချပ်စားမယ့်အစား ပန်းသီး ဒါမှမဟုတ် အမျှင်ဓာတ်များတဲ့ အရာတစ်ခုခုကို စားပါ။ ဗိုက်ပြည့်သွားပြီဆိုရင် အစာခြေဖို့လည်း အချိန်ပိုကြာပါတယ်။ အဲဒီတော့ ကယ်လိုရီနည်းနည်းနဲ့ ဗိုက်ကြာကြာပြည့်နိုင်တာပေါ့။ ဒါကြောင့် နှံစား၊ အသီးအနှံ၊ အသီးအရွက်၊ ပဲအမျိုးမျိုးတို့ကို နေ့စဉ်စားသုံးတဲ့အစားအစာတွေအဖြစ် ရွေးချယ်ပေးပါနော်။

အစာမစားမီ ရေများများသောက်ပါ

ရေဟာ အဆိပ်အတောက်ကို ဖယ်ရှားပေးတဲ့အပြင် ခဏခဏရေသောက်ဖြစ်ရင် သွားရေစာ အများကြီးမစားဖြစ်အောင်လည်း ကာကွယ်ပေးပါတယ်။ ဒါကြောင့် ရေတစ်ဗူးကို ကိုယ်နဲ့မကွာ အမြဲဆောင်ထားပြီး သတိရတိုင်းသောက်နေပါ။ အနံ့လေးနဲ့မှ သောက်ချင်တယ်ဆိုရင် သံပရာ ဒါမှမဟုတ် သံပယိုသီးလေး ညှစ်ထည့်နိုင်သလို ခရမ်းချဉ်သီးဖျော်ရည်၊ မုန်လာဥနီဖျော်ရည်စတဲ့ ဖျော်ရည်တွေလည်း သောက်နိုင်ပါတယ်။

ဘလက်ကော်ဖီသောက်ပါ

ကက်ဖိန်းဓာတ်ဟာ ဝိတ်ကျအောင်ကူညီပေးတဲ့ ကယ်လိုရီလောင်ကျွမ်းမှုတွေကိုလည်း လုပ်ပေးနိုင်ပါတယ်။ ဒါပေမဲ့ ကော်ဖီသောက်တဲ့အခါ ဝိတ်ကျဖို့ဆိုရင် ဘလက်ကို သောက်တာ အကောင်းဆုံးပါပဲ။ ဘလက်ကော်ဖီမှာ ကယ်လိုရီလုံးဝမပါပါဘူး။ ခရင်မ်နဲ့ သကြားတွေ ထည့်လိုက်ရင်တော့ ၀ိတ်တက်လာနိုင်ပါတယ်။ ထမင်းစားပြီးချိန်က ကော်ဖီသောက်ဖို့ အကောင်းဆုံးအချိန်ပါပဲ။ ကယ်လိုရီနဲ့ အဆီပိုတွေကို ပိုပြီးလောင်ကျွမ်းအောင် ကူညီပေးပါတယ်။

 

Comments

0 comments